वीरगन्ज  । नयाँ भेरियन्टसहित दोस्रो लहरको कोरोना भाइरस संक्रमण तीव्र रूपमा बढेपछि काठमाडौं उपत्यकामा एक साता निषेधाज्ञा लागू हुने भएको छ । उपत्यकाका तीन जिल्लामा आगामी बिहीबार राति १२ बजेदेखि निषेधाज्ञा लागू गरिने निर्णय भएको हो ।

सोमबार बसेको काठमाडौं‚ ललितपुर र भक्तपुरका प्रमुख जिल्ला अधिकारीहरूको बैठकले महामारी रोकथामका लागि निषेधाज्ञा जारी गर्ने निर्णय गरेको छ ।

निर्णयको ड्राफ्ट तयार हुँदै गरेको बताइएको छ । स्वास्थ्य तथा जनसङ्ख्या मन्त्रालयका अनुसार उपत्यकाका तीन जिल्ला निषेधाज्ञा जारी गर्ने निर्णय गरेको छ । निषेधाज्ञामा अत्यावश्यक सेवाकाबाहेक सबै पसल र सार्वजनिक तथा निजी यातायात बन्द हुनेछन् । होटल तथा रेष्टुरेन्टले पनि टेक अवे सेवा मात्र दिन पाउनेछन् ।

कुन–कुन जिल्लामा हुन सक्छ निषेधाज्ञा ?

मोरङ, पर्सा, कास्की, दाङ, बाँके, रुपन्देहीमा पाँच सय सङ्क्रमित नाघेका छन् अब ई सबै जिल्ला निषेधाज्ञा गर्ने निर्णय बाकी रहेको छ ।
जिल्ला सङ्कट व्यवस्थापन केन्द्र (डीसीसीएमसी)ले बाँकेमा सोमबार एक साता लडकाउनको घोषणा गरिसकेको छ । रुपन्देहीमा यातायातमा जोर विजोर प्रणाली लागु गरिसकेको छ । उपत्यकाको तीन जिल्लाका सीडीओ (प्रमुख जिल्ला अधिकारी)को संयुक्त बैठक पनि आजै बस्दैछ । सीसीएमसीको निष्कर्षअनुरूप निर्णय लिने बताइएको छ ।