वीरगञ्ज । वीरगञ्जमा सोमबार बिहानै एक कोरोना सङ्क्रमितको हृदयघातबाट मृत्यु भएको छ ।नारायणी अस्पतालमा उपचार गराइरहेका पुरुषको कोरोना सङ्क्रमणका भएको निमोनियाले फोसकोमा असर पारेपछि हृदयघातबाट मृत्यु भएको अस्पतालले जनाएको छ ।

मृत्यु हुनेमा वीरगञ्ज महानगरपालिका वडा नम्बर ६ आदर्शनगर निवासी ६० वर्षीय वृद्ध रहेको नारायणी अस्पतालका कोभिड संयोजक डा. सरोज रोशन दासले जानकारी दिए ।

बैशाख २ गते कोरोना पुष्टि भएर ३ गते नारायणी अस्पताल भर्ना भएका वृद्ध दिर्घ रोगी थिए । उनको आज बिहान साढे ९ बजे अस्पतालको अईसियूमा उपचार गर्दागर्दै मृत्यु भएको डा. दासले बताए ।

अस्पताल भर्ना गर्दा वृद्धको दुवै फोक्सोमा गम्भीर किसिमको निमोनिया देखिएको थियो । निमोनियाका कारण श्वासवास प्रश्वासमा समस्या भएपछि हृदयाघातबाट उनको मृत्यु भएको डा. दासले बताए । ‘निमोनियाले फोक्सोमा धेरै असर पारेको रहेछ, हामीले धेरै प्रयास गर्दापनि उनलाई बचाउन सकेनौं । अन्तमा हृदयघातबाट उनको ज्यान गयो,’ डा. दासले भने ।वृद्ध पहिलादेखि थाईराइडलगायत रोगबाट पिडित थिए ।