वीरगञ्ज । वीरगञ्ज महानगरभित्र सञ्चालित सामुदायिक तथा संस्थागत सबै विद्यालयहरुको परिक्षा स्थगित भएको छ ।
वीरगञ्जमा दोस्रो लहरको कोरोना संक्रमण बढ्दै गरेको अवस्थालाई मध्यनजर गर्दै कक्षा ९ सम्मको सबै परिक्षा अर्काे सूचना नआउँदा सम्म स्थगित गरिएको वीरगञ्ज महानगरपालिकाका नगरप्रमुख विजय कुमार सरावगीले जानकारी दिए ।
यदि कुनै विद्यालयले निर्देशनविपरित परीक्षा सञ्चालन गरिएको पाइए कारवाही गरिने पनि मेयर सरावगीले यात्रा डेलीलाई बताए ।
साथै आफ्ना बालबालिकाहरुलाई घरमै सुरक्षित राख्न तथा विद्यालयमा नपठाउन पनि मेयर सरावगीले अभिभावकहरुलाई आग्रह गरेका छन् ।