वीरगञ्ज | वीरगञ्जको नारायणी अस्पतालमा शनिबार गरिएको परीक्षणमा थप ९० जनामा कोरोना संक्रमण पुष्टि भएको छ।

अस्पतालको प्रयोगशालामा शनिबार १ सय ४० जनाको स्वाब परीक्षण गर्दा ९० जनामा कोरोना संक्रमण पुष्टि भएको अस्पतालका कोभिड संयोजक डाक्टर सरोज रोशन दासले जानकारी दिए।

पर्सा, बारा र रौतहटका गरी ९० जनामा कोरोना संक्रमण देखिएको हो। सबै भन्दा बढी पर्सा जिल्लामा ६५ जनामा संक्रमण देखिएको दासले बताए।

यस्तै बारामा २२ जना र रौतहटमा ३ जनामा कोरोना देखिएको हो। संक्रमित हुनेहरु ५ वर्षदेखि ७७ वर्ष उमेरसम्मका छन्। जसमध्ये ६६ जना महिला र २४ जना पुरुषमा रहेको अस्पतालले जनाएको छ।