वीरगञ्ज। वीरगञ्ज महानगरपालिका वडा नम्बर ७ माईस्थानस्थित विद्यापिठ विद्यालयको छेउमा पुरुषको शव बरामद भएको छ । विद्यापिठ स्कूलदेखि रामटोल जाने गल्लीको नालामा अन्दाजी ३० वर्षिय एक पुरुषको शव फेला परेको हो ।

मृतक पुरुष रौतहटको राजदेवी नगरपालिका वडा नम्बर २ ब्रहम्पुरी घर भई हाल वीरगञ्ज महानगरपालिका वडा नम्बर ७ मा डेरा गरी बस्ने श्याम मण्डलको रहेक प्रहरीले जनाएको छ ।

जिल्ला प्रहरी कार्यालय पर्साले अनुसार बुधबार बिहान ७ बजे स्थानीयले नालामा मण्डलको शव देखेपछि प्रहरीलाई खबर गरेका थिए । घटनास्थल पुगेको प्रहरीको टोलीले शवलाई पोष्टमार्टमका लागि नारायणी अस्पताल पठाएको छ ।

घटनाको प्रारम्भिक अनुसन्धानमा मण्डल छारेरोगले ग्रस्त रहेको बुझिएको प्रहरीले जनाएको छ । शवको प्रकृति हेर्दा घटना शंकास्पद नरहेको पर्साका प्रहरी नायब उपरिक्षक (डिएसपी) तथा प्रहरी प्रवक्ता ओमप्रकाश खनालले जानकारी गराए ।

‘मण्डलको शरिरमा कुनै प्रकारको घाउ अथवा कुटपिटको डाम देखिएको छैन,’ प्रवक्ता खनालले भने, ‘शवको प्रकृति हेर्दा घटना शंकास्पद छैन, थप अनुसन्धान हुदै  ।’