वीरगञ्ज, । पर्सामा फेरी ७६ जनामा कोरोनाभाइरस सङ्क्रमण पुष्टि भएको छ । वीरगञ्जस्थित नारायणी अस्पतालमा विभिन्न ठाउँबाट ल्याइएको १ सय ४० जनाको थ्रोट स्वाबको नमुनालाई आरटी-पीसीआर प्रविधिबाट परिक्षण गर्दा ३६ महिलासहित ९१ जनामा कोरोनाभाइरस सङ्क्रमण पुष्टि भएको हो । जसमध्ये ७६ जना पर्सा, ९ जना बारा, ३ जना सर्लाही र १/१ जना रौतहट, सप्तरी र मकवानपुरका रहेका छन् ।

पर्सा जिल्लामा सङ्क्रमित भएकामध्ये आज फेरी सबैभन्दा धेरैजना सदरमुकाम वीरगञ्ज महानगरको विभिन्न वडाका बासिन्दा रहेका छन् । वीरगञ्जका कुल ६८ जनामा कोरोना सङ्क्रमण देखिएको नारायणी अस्पतालका कोभिड संयोजक डा. सरोज रोशन दासले जानकारी दिए । अन्य सङ्क्रमितहरु पर्साको बहुदरमाई नगरपालिका, सखुवापर्सौनी गाउँपालिका, जगरनाथपुर् गाउँपालिका र विन्दवासिनी गाउँपालिकाका रहेको डा. दासले बताए ।

वीरगञ्जकामा थपिएका सङ्क्रमितहरु वडा नम्बर २, ३, ४, ५, ६, ७, ८, ९, १०, ११, १२, १३, १५, १६,  २२, २४, र ३० का बासिन्दा छ ।थपिएका ९१ जना सङ्क्रमितहरुमा ६ वर्षीय बालकदेखि ७९ वर्षीय वृद्धपनि रहेका छन् । उनीहरुको सिटि भ्यालु १४.२ देखि ३५.५ रहेको डा. दासले बताए ।