वीरगंज | नेपालमा सोमबार थप १२ सय ८१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको विवरणअनुसार १२ सय २७ जनाको पिसिआर पोजेटिभ र ५४ जनाको एन्टिजेन पोजेटिभ देखिएको हो ।

यता, स्वास्थ्य मन्त्रालयका अनुसार पछिल्लो २४ घण्टामा काठमाडौं उपत्यकामा मात्रै ६३४ जनामा संक्रमण पुष्टि भएको छ ।जसमा काठमाडौंका ५०५, ललितपुरमा ९७ र भक्तपुरमा ३२ जना रहेका छन् ।

यस्तै, एकैदिन ८ जनाले कोरोनाकै कारण ज्यान गुमाएका छन् । २२५ जना कोरोनालाई जितेर घर फर्किएका छन् । हाल देशभर ७ हजार २५४ जना संक्रिय संक्रमित रहेको मन्त्रालयको विवरणमा उल्लेख गरिएको छ ।