बीरगंज । सन्जिव मिस्रा । नेपाल पत्रकार महासंघ पर्सा शाखाको नव निर्वाचित कार्यसमितिको पदस्थापन तथा शपथ ग्रहण कार्यक्रम आज पत्रकार महासंघ पर्सा शाखाको कार्यालयमा सम्पन्न भएको छ ।

प्रमुख निर्बाचन अधिकृत जगदीश प्रसाद शर्माको अध्यक्षतामा सम्पन्न भएको कार्यक्रममा पर्सा शाखाको सभापति अनुप तिवारी, कार्यसमितीका सबै पदाधीकारी तथा प्रदेश सभासद र केन्द्रीय परिषद सदस्यहरुको शपथ सम्पन्न भएको हो ।

कार्यक्रममा नेपाल पत्रकार महासंघका निबर्तमान अध्यक्ष श्याम बन्जाराले नयाँ समितीले कसैमाथि पनि भेदभाव नगरी मूल्यनिष्ठ पत्रकारिताको जग बलियो बनाउन आग्रह गर्नुभएको थियो ।

कार्यक्रममा पत्रकार महासंघका पुर्ब केन्द्रीय सदस्य महेश दासले अव नियमित रुपमा दक्षता अभिबृद्धिको लागि तालिम सम्पन्न गर्न आवश्यक रहेको धारणा राख्नुभएको थियो भने नव निर्बाचित अध्यक्ष अनुपत तिवारीले पत्रकारहरुको भौतिक तथा पेशागत सुुरक्षाको लागि लागिरहने धारणा राख्नुभएको थियो ।कार्यक्रममा निर्बाचन अधिकृत शत्रुघन नेपाल, महासघ पर्साकी उपाध्यक्ष शुष्मा शर्माले पनि बोल्नुभएको थियो ।