वीरगञ्ज | पर्साको सदरमुकाम वीरगञ्ज महानगरपालिकामा कोरोना संक्रमितहरुका सँख्यामा लागातार वृद्धि भईरहेको छ । बिहीबार राति नारायणी अस्पतालमा गरिएको परिक्षणमा थप ३८ जनामा कोरोना संक्रमण पुष्टि भएको छ । अस्पतालको प्रयोगशालामा कुल ७५ जनाको स्वाब संकलन गरि परिक्षण गरिएकोमा थप ३८ जनामा कोरोना संक्रमण पुष्टि भएको अस्पतालका कोभिड संयोजक डाक्टर सरोज रोशन दासले जानकारी दिए । संक्रमण देखिनेमा सबै भन्दा बढी पर्सा जिल्लाका छन ।

पर्साको वीरगञ्ज महानगरपालिकाको विभिन्न वडाका ३१ जनामा संक्रमण देखिएको दासले बताए । बिहीबार राति गरिएको परिक्षणमा वीरगञ्ज महानरपालिकाको एउटै वडाका १० जनामा संक्रमण देखिएको छ । कुल ३८ संक्रमित मध्ये महानगरको वडा नं ४ मा १० जनामा संक्रमण देखिएको छ । यस्तै वडा नं १० मा २ जनामा संक्रमण देखिएको छ। संक्रमण हुनेमा एक वर्षका बालक पनि रहेका छन्।

त्यस्तै वडा नं ८, १२, २० र २४ मा दुई दुई जना, वडा नं ३, ५, ६, ७, १४, १६ र २७ मा एक एक जनामा कोरोना पोजेटिभ देखिएको छ । यस्तै बाराको जितपुर सिमरा उप महानगरपालिका वडा नम्बर १० र २४ का एक एक जना, कलैया उप महानगरपालिकाको वडा नं नम्बर ४ का एक,रौतहटका गढिमाई नगरपालिका वडा नं ४ र ७ का एक एक जनामा संक्रमणको पुष्टि भएको छ ।पछिल्लो चार दिनमा वीरगञ्जको नारायणी अस्पतालमा उपचाररत ३ जना कोरोना संक्रमितहरुको मृत्यु भइसकेको छ । गएको चैत ३१ गते बाराका एक, वीरगञ्ज महानगरपालिका २ का एक जना गरी २ र बिहीबार वीरगञ्ज महानगरपालिका २ की एक महिलाको कोरोना संक्रमणका कारण मृत्यु भईसकेको छ ।