वीरगंज । मोरङ कानेपोखरी-७ स्थितबाट प्रतिबन्धित लागूऔषधसहित तीन जना पक्राउ परेका छन् ।पक्राउ पर्नेमा रंगेली-६ का १९ वर्षीय अभिशेख कुमार मण्डल, सुन्दरहरैचा-७ का १९ वर्षीय सुवाष तामाङ र उर्लाबारी-६ का २८ वर्षीय अनमोल घिमिरे रहेका छन् ।

मंगलवार(हिजो) दिउँसो साढे ३ बजे को २ ह ३३९६ नम्बरको अटोमा आईरहेका तीनै जनालाई नियन्त्रणमा लिई चेकजाँच गर्दा उनीहरुले अटोको सिट मुनि लुकाई राखेको ५८८ चक्की नाईट्राभेट लागूऔषध फेला पारी बरामद गरिएको ईलाका प्रहरी कार्यालय पथरीले जनाएको छ ।

पक्राउ परेका मध्ये मण्डल अटो चालक रहेका र उनको समेत संलग्नता रहेको खुल्न आएको छ भने अन्य थप अनुसन्धान समेत भईरहेको उक्त कार्यालयले जनाएको छ ।