सर्लाही । सर्लाहीको वाग्मतीमा ट्याक्टर र मोटरसाइकल एक आपसमा ठोक्किँदा दुई जनाको घटनास्थलमै मृत्यु भएको छ ।वाग्मती नगरपालिका–८ शंकरपुर गाजली चोकमा मंगलबार दिउँसो उत्तरतर्फ गइरहेको भारतीय नम्बर प्लेटको बीआर ३० एम ३४५२ नम्बरको मोटरसाइकल र पश्चिमतर्फबाट आउँदै गरेको ज १ त १५७४ नम्बरको मोटरसाइकल एक आपसमा ठोक्किँदा मोटरसाइकलमा सवार दुईजनाको घटनास्थलमै मृत्यु भएको प्रहरीले जनाएको छ ।

मृत्यु हुनेमा मोटरसाइकल चालक बरहथवा नगरपालिका–१५ पिप्राभित्ताका ५० वर्षीय भिखारी साह र मोटरसाइकलमा पछाडि सवार भारतीय नागरिक ४० वर्षीय प्रकाश सहनीको मृत्यु भएको इलाका प्रहरी कार्यालय बरहथवाले जनाएको छ । दुर्घटनामा संलग्न ट्याक्टर प्रहरीको नियन्त्रणमा छ भने चालक फरार छन् ।