वीरगन्ज । राजधानी काठमाडौं लगायतका देशैभरी वायू प्रदूषण गराउन प्रमुख भूमिका निर्वाह गरेको जंगलको डढेलोको जोखिम बढ्दै गएको छ ।
देशका विभिन्न भागमा जंगलमा लागेको डेढेला अझै नियन्त्रणमा आएका छैन ।
डढेलोका कारण बिस्तारै आवासिय क्षेत्रका घरहरु समेत खतरामा पर्न थालेका छन् ।
महेन्द्र राजमार्गमा पर्ने जंगलमा समेत डढेलो लागेको स्पष्ट देख्न थालिएको छ ।
त्यसका कारण राजमार्गमा हिंडडुल गर्न समेत जोखिम हुन थालेको यात्रुहरुको भनाइ छ ।
यी तस्बिरहरुमा बुटबल–कोहलपुर खण्डमा पर्ने राजमार्गमा पर्ने जंगलमा लागेका डढेलोका दृष्यहरु देख्न सकिन्छ ।
यसैबीच, पश्चिम सुर्खेतको बराहताल गाउँपालिका– २ स्थित सिस्नेरीमा आगलागी हुँदा नौवटा घर जलेर नष्ट भएको समाचा सार्वज्निक भएको छ ।
सिस्नेरी सामुदायिक वनमा भएको आगलागीमा परी नौवटा घर जलेर नष्ट भएको बताइन्छ ।
वनमा लागेको आगो तत्काल नियन्त्रण गर्न नसक्दा नजिकै रहेको बस्तीमा समेत आगलागी पसेको थियो ।
बिहिबार दिउँसो ४ बजे शुरु भएको आगलागी करिब एक–डेढ घण्टापछि मात्रै नियन्त्रणमा आएको जिल्ला प्रहरी कार्यालय सुर्खेतले जनाएको छ ।घटनामा कुनै मानवीय क्षति भने नभएको बताइन्छ ।
