वीरगन्ज । वीरगन्जमा पत्रकारको नयाँ नेतृत्व चयनका लागि मतदानको गणना सम्पन्न भएको छ । नेपाल पत्रकार महासंघ पर्साको जिल्ला अध्यक्ष पदमा अनुप तिवारी विजयी भएका छ्न । वीरगन्जमा पत्रकारको नयाँ नेतृत्व चयनका लागि मतदानको गणना बुधबार साझ ६ बजेदेखि शुरु भएको थियो । बिहान ९ बजेदेखि वीरगन्जमा मतदान सुरु भएको थियो ।
केन्द्र, प्रदेश र शाखाको नयाँ कार्यसमिति चयनका लागि एकै पटक मतदान सुरु भएको हो । मतदानका लागि अपराह्न चार बजेसम्मको समय तोकिएको थियो । यसपटक इतिहासमै पहिलोपटक प्रत्यक्ष निर्वाचन प्रणालीमार्फत् महासंघको नेतृत्व चयन भएको छ ।
वीरगन्जमा निर्वाचनमा २ वटा प्यानलबाट उम्मेदवारी परेको थियो । प्रेस चौतारी र प्रेस संगठन, मधेशी पत्रकार समाज, प्रेस मञ्च र प्रेस युनियनको गठबन्धन गरी २ वटा प्यानल निर्वाचनमा उत्रिएका थिए ।
जसअन्र्तगत विभिन्न १५ पदका लागी ५९ जनाले मनोनयन दर्ता गराएका थिए ।अध्यक्ष पदको उम्मेदवारमा प्रेस चौतारीबाट अनुप तिवारी र ४ संगठनको गठबन्धनबाट रितेश त्रिपाठी उम्मेदवार बनेका थिए ।