बिरगंज । सामुदायिक सेवा केन्द्र तथा सामुदायिक प्रहरी सेवा छपकैया-२ र राईजिङ्ग बिरगंज नेपालको सन्युक्त आयोजना तथा अलमन्सुर फाउन्डेसन काठमाडौंको विशेष सहयोगमा गरिब परिवारको छोरीको बिवाहको लागी चाहिने आवस्यक खाद्यान्न सामाग्री , किचेनको लागि चाहिने आवस्यक भाडाकुडा सहयोग गरेको थियो ।

सामुदायिक सेवा केन्द्र छपकैया-२ का अध्यक्ष हाजी ग्यासुदिन ठकुराईको अध्यक्षतामा र २ नम्बर प्रदेश बिपद व्यवस्थापन गुल्मका प्रहरी निरीक्षक सरोज प्रजापतिको विशेष उपस्थिति आवस्यक सरसामान हस्तान्तरण गरेको हो।पर्सा जिल्ला बिरगंज महानगर पालिका वडा न.१६ बस्ने अन्सार मियाको छोरीको बिवाह यहि चैत्र २६ गते हुन गैइ रहेको हुदा छोरीको बिवाहको लागि सहयोग स्वरुप सो सामाग्री हस्तान्तरण गरेको अलमन्सुर फाउन्डेसन बिरगंजका अध्यक्ष मो. जेयाउल हकले जानकारी दिनु भयो।

बिवाहको लागि ३ बोरा चामल , डाल १० केजि , ५० केजि मासु , स्टिलको बाल्टिङ्ग , बाटा ठूलो सानो , कराई , डेक्ची ठूलो र सानो ,प्लेट , ग्लास , टिफिन सेट , रोटि तावा , डारु पन्यु, छलनी , पन्जा , चम्चा , बेल्ना- चौकी , टिसेट लगायतका सामान आज एक कार्यक्रम बीच सामुहिक रुपमा हस्तान्तरण गरेको सामुदायिक सेवा केन्द्र छपकैया -२ का अध्यक्ष ठकुराईले बताए । यश सस्थाले गरिब , अतिबिपन्न बर्गहरुको छोरीको बिवाहमा लाग्ने आवस्यक सरसामान धेरै चोटि सहयोग गर्दै आईरहेको समेत बताए ।

सो कार्यक्रममा अल मन्सुर फाउन्डेसन बिरगंजका मो. जेयाउल हक, राईजिङ्ग बिरगंज नेपालका आरजु खान , छपकैया प्रहरी बिटका प्रहरी सहायक निरीक्षक सन्जिव कुमार यादव , प्रहरी हवल्दार देवेन्द्र कुमार पटेल , प्रहरी जवान राजकुमार तामाङ , सन्चारकर्मी अजित कुमार भुजेलको उपस्थिति रहेको थियो ।