काठमाडौँ | दोलखा जिल्लामा रहेका नेपाल चीन सीमा स्तम्भहरुको नेपाली सेनाले मर्मत सम्भार गरेको छ।
दोलखा जिल्लामा तैनाथ तारानाथ गणले २१ दिन लगाएर सीमा स्तम्भहरुको मर्मत गरेको हो।
नेपाल–चीन इलाकामा रहेका सीमा स्तम्भहरुको सरसफाई गर्नुका साथै मेटिएका अक्षर र नम्बरहरु पुनर्लेखन गरिएको सेनाले जनाएको छ।
सेनाले चैत्र २ गतेदेखि सीमा स्तम्भहरुको अवलोकन सुरु गरी मर्मतसम्भारको कार्य गरेको हो।
