बीरगन्ज। बीरगन्ज महानगरपालिका वडा नं १७ मा आगलागी भएको छ । स्थानिय आलि मियाँ पवरीयाँको घरबाट एक्कासी आगलागी सुरु भएको स्थानियले जनाएका छन् ।

पवरीयाँको घरबाट सुरु भएको आगलागीबाट छिमेकमा रहेको तीनवटा घरमा समेत क्षती पुगेको छ । साँझ ५ बजेबाट सुरु भएको आगलागी बीरगन्ज महानगरपालिकाका वारुण यन्त्र, स्थानिय प्रहरीको सहायतामा करिब १ घण्टा पछि नियन्त्रणमा लिइएको थियो ।

आगलागीबाट स्थानिय पवरीयाँसहित शेष लालबाबु, हाकिम मियाँ र मिन्तुजार मियाँको घरमा क्षती पुगेको छ । आगालीगबाट घरमा भण्डारण गरि राखिएका धान, गहुँ, नगद, आवश्यक कागजपत्रहरु जलेर नष्ट भएका छन् ।