दाङ | उच्च अदालत तुलसीपुरले घोराही सिमेन्ट इण्डस्ट्रिज प्रालिद्वारा उत्पादित सगरमाथा सिमेन्ट उद्योगलाई वातावरणमा प्रतिकुल असर पार्ने कार्य नियन्त्रण गर्न अन्तरिम आदेश दिएको।धुलो धुवाँको प्रदूषणका कारणले वातावरण, स्वास्थ्य, प्रजनन् र खाद्य अधिकारमा असर पारेको भन्दै दायर रिटको सोमबार सुनुवाइ गर्दै यस्तो आदेश दिएको हो।
उच्च अदालत तुलसीपुरका मुख्य न्यायाधीस नीता गौतम दीक्षित र न्यायाधीस रमेशराज पोखरेलको इजलासले उद्योगले तत्काल व्याग फिल्टर, इलेक्ट्रिोस्टेटिक प्रेसिडेटर, वीन्ड व्रेकिङ वाल जस्ता कार्यहरू व्यबस्थित गर्न गराउन आदेश दिएको छ।
त्यस्तै खोपानीको स्रोतलाई असर नपुग्ने तथा सडकमा धुलो नउड्ने गरी पानीको फोहोरा व्यबस्थापन तत्कालन गराउन आदेश दिएको छ। निवेदकले उद्योगको क्षमता बृद्धिको कार्य तत्काल नगराउन भनि रिट दायर गरेका थिए। तर, यो विषय उद्योग मन्त्रालय तथा विभाग र जनसंख्या तथा वातावरण मन्त्रालय र विभागको क्षेत्राधिकार पर्ने भएकाले अदालतले कुनै आदेश दिएको छैन्।
मन्त्रालय तथा विभागले आवश्यक प्रक्रिया अवलम्बन गरी कानुनले निर्धारण गरेको मापदण्ड पुगे नपुगेको हेरी उद्योगको क्षमता बृद्धि गर्ने नगर्ने सम्बन्धमा निर्णय गर्न सक्ने अदालतको ठहर छ। निवेदको तर्फबाट अधिवक्ता शुरेस कुमार गौतम, मुकुन्द बहादुर राना, मणिराज आचार्य, बसन्त गौतम, बलबहादुर चन्दले बहस गरेका थिए। विपक्षीको तर्फबाट रेवतिरमण भट्टराई, रमण श्रेष्ठ, विमल प्रसाद ढकाल भुपबहादुर केसी र प्रकाश रेग्मीले वहस गरेका थिए।
