बीरगन्ज  । पर्साको बीरगन्जबाट प्रहरीले लागु औषधसहित एक जना पक्राउ गरेको छ ।

प्रहरी चौकी ईनर्वाबाट खटेको प्रहरीको टोलीले बिशेष सुराकीको आधारमा लागुऔषध डाईजोपाम,नुर्फिम र प्रोमाथाईजिन सहित पक्राउ गरेको जनाएको छ । पक्राउ पर्नेमा धादिङको निलकण्ठ नगरपालिका वडा नम्बर ८ बस्ने २६ बर्षीय शिव नेपाली रहेका छन ।

प्रहरीले आशंकाको आधारमा उनले वोकेको झोलालाई चेकजाच गर्दा ६३ एम्पूल,नुर्फिम ६२ एम्पूल र प्रोथाईजिम ६३ एम्पूल गरी जम्मा १८८ एम्पूल फेला पारि पक्राउ गरिएको जिल्ला प्रहरी कार्यालय पर्साका प्रहरी प्रवक्ता ओमप्रकास खनालले बताताउनु भयो ।

पक्राउ परेका नेपालीलाई प्रहरीको हिरासतमा राखेर आवश्यक अनुसन्धान भईरहेको प्रवक्ता खनालले बताउनु भयो ।