काठमाडौं । चालु आर्थिक वर्षको ८ महिनामा ९ खर्ब ४३ अर्ब ९८ करोड रुपैयाँभन्दा बढीको वस्तु आयात भएको छ । भन्सार विभागका अनुसार दोस्रो चौमासिक बित्दासम्म गत आवको सोही अवधिको भन्दा २.१४ प्रतिशत बढी आयात भएको हो ।

विभागका अनुसार गत आवको फागुन मसान्तसम्म ९ खर्ब २४ अर्ब २४ करोड रुपैयाँको आयात भएको थियो । यस अवधिमा निर्यात ७.८४ प्रतिशतले वृद्धि भएको छ ।

भन्सारका अनुसार गत आवको फागुन मसान्तसम्म ७४ अर्ब ९० करोडको निर्यात भएकामा फागुनसम्म ८० अर्ब ७७ करोडको निर्यात भएको छ ।

नेपालको व्यापार घाटा ८ खर्ब ६३ अर्ब रुपैयाँ पुगेको छ । व्यापार घाटा गत आवको यही अवधिभन्दा १.६३ प्रतिशत बढी हो ।

यस अवधिमा सबैभन्दा बढी डिजेल आयात भएको छ । यस्तै, स्टिलको कच्चापदार्थ, मोबाइल फोन, भटमासको कच्चा तेल, एलपी ग्यास, पेट्रोल, कोइला, चामल तथा सुनको आयात सबैभन्दा बढी भएको छ ।

यस्तै, सबैभन्दा बढी भटमासको प्रशोधित तेल निर्यात भएको छ । यस अवधिमा २३ अर्बभन्दा बढीको भटमासको तेल निर्यात भएको हो । यस्तै, अलैँची, कार्पेट, चिया, कपडालगायत शीर्ष निर्यात हुन् ।