वीरगन्ज । आखिर किन बन्द हुन्छ बजार ? ब्यपारि दोसि नै हुन छ्न ? कि राजश्वको टोलि ले गल्ति निकाल छ। जेजसो भएपनि हिजो जनकपुरधामसहित अधिकांश स्थानमा बजार व्यवसाय बन्द भएको थियो । राजश्व अनुसन्धान कार्यालय पथलैयाबाट टोली आएको हल्ला चलेपछि जनकपुरधाम बजारका अधिकांश पसलहरु हिजो बन्द भएको थियो ।

अधिकांश सटरहरुमा ताल्चा लगाइएको थियो भने केही पसलहरु मात्र सञ्चालनमा रहेको थियो। यसअघि पनि धनुषाको महेन्द्रनगर, महोत्तरीको औरही, गौशाला, जलेश्वरलगातार विभिन्न ठाउँमा चेकजाँचको क्रम तीब्र हुन थालेको भन्दै पसल तथा व्यवसाय बन्द गरेका थिए। जनकपुरधामका व्यापारीहरुले समेत हल्लाकै भरमा पसल बन्द गरेका छन्। विद्यापति चोक, रामानन्द चोक, पिडारी चोक, भानुचोक, शिवचोक, जानकीचोक, रामचोक, लगायतका ठाउँहरुको अधिकांश पसलहरु बन्द गरिएको छ।

यता जनकपुरधाम उद्योग वाणिज्य संघका अध्यक्ष ललितकुमार साहले व्यापारीहरुले हल्लाकै भरमा स्वयं आ–आफ्नो पसल बन्द गरेको बताए। उनले बजार अनुगमन सम्बन्धमा आफूहरुलाई पनि कुनै आधिकारिक जानकारी नआएको बताए। साथै उनले ढुक्क भएर आफ्नो पसल सञ्चालन गर्न आग्रह गरेका छन । यता राजश्व अनुसन्धान कार्यालय पथलैया बाराले आफूहरुको कुनै टोली जनकपुरधाम नगएको जनाएको छ।