वीरगञ्ज | लागुऔषध खैरो हिरोइनसहित प्रहरीले वीरगञ्जबाट एकजना १७ वर्षीय किशोरलाई पक्राउ गरेको छ।लागुऔषध नियन्त्रण ब्यूरो वीरगञ्जको टोलीले वीरगञ्ज महानगरपालिका–१४ पावर हाउस चोकमा चेकजाँचको क्रममा ३० ग्राम खैरो हिरोइनसहित ती किशोरलाई नियन्त्रणमा लिएको हो।

चेकजाँचको क्रममा किशोरले बोकेको ६ वटा सेतो प्लाष्टिकको पोकाभित्र लुकाइछिपाइ ल्याएको लागुऔषध खैरो हिरोइन ३० ग्राम बरामद गरिएको पर्साका प्रहरी प्रवक्ता ओम प्रकाश खनालले जानकारी दिए।

लागुऔषधसहित पक्राउ परेका किशोरलाई जिल्ला अदालतबाट पाँच दिनको म्याद थप गराइ अनुसन्धान अगाडि बढाइएको खनालले बताए।