वीरगञ्ज । उपप्रधानमन्त्री इश्वर पोखरेलले नेकपा एमाले विधिवत रुपमा माओवादी केन्द्रसँगको एकता पूर्वकै स्थानमा फर्किएको बताएका छन् । र्नजिवित एमाले अब संसदिय प्रक्रियाबमोजिम परिवर्तीत ढङ्गले अगाडी बढ्ने पोखरेलको भनाई छ । वीरगञ्जमा आयोजित पत्रकार सम्मेलनमा पत्रकारसँग कुरा गर्दै नेकपा एमालेका महासचिव समेत रहेका पोखरेलले ढिलै भएपनि अन्तत जनताको ताजा जनादेशमा जानै पर्ने दावी गरे ।

सर्वाेच्चको निर्णयले देशमा अँझै पनि अस्थिरता उत्पन्न गरेको बताउँदै उनले स्थिर सरकारको स्थापना गर्ने ध्येयले नै संसद् विघटन गरेको भएपनि सर्वाेच्चको निर्णयले फेरीपनि अस्थितरता ल्याएको धारणा राखे । सामाजिक अराजकतालाई अन्त्य गरी आर्थीक विकासलाई प्राथमिकतामा राखेर सरकारले अघि सारेको सुखी नेपाली समृद्ध नेपालको सपनालाई साकार पार्नतर्फ सरकार अग्रसर रहेको पोखरेलले जिकिर गरे ।

सिसिएमसीका संयोजक समेत रहेका पोखरलेलले नाकाबन्दीमा लगाइएको प्रतिबन्ध फुकुवा गर्नेमा सरकार सकरात्मक रहेको बताए । हालसम्म रोकिएका र अड्किएका विकास निर्माणका कामहरुले अव तिब्रता लिने र प्रधानमन्त्री ओलीकै पालामा पुरा हुने दृढता पनि उनले व्यक्त गरे ।पत्रकार सम्मेलनमा पत्रकारहरुले समसामयिक राजनितिक तथा सामाजिक अवस्थाका बारेमा जिज्ञासा राखेका थिए ।yatradaily