बिरगंज। पर्यटन पुर्नउत्थानका लागी साझेदारी कार्यक्रम ” उदघोष समारोह सम्पन्न भएको छ ।होटेल तथा पर्यटन व्यवसायी संघ बिरगंज र पर्यटन पत्रकार संघ , पर्साको सन्योजनमा र बिरगंज महानगर पालिकाको साझेदारमा आज बिरगंजको दियालो लर्ड्स प्लाजामा भएको सो कार्यक्रमका प्रमुख अतिथि बिरगंज महानगर पालिकाका नगर प्रमुख बिजय कुमार सरावगी रहनु भएको थियो ।

होटेल तथा पर्यटन व्यवसायी संघ बिरगंजका अध्यक्ष हरि पन्तको अध्यक्षतामा भएको भएको उदघोष समारोहमा स्वागत मन्तव्य पर्यटन पत्रकार संघ पर्साका अध्यक्ष शन्कर आचार्यले र कार्यक्रम सहजीकरण माधुरी नहतोले गर्नु भएको थियो ।

त्यसै गरि बिशिस्ट अतिथिमा भारतिय महाबाणिज्य बिरगंजका बाणिज्यदुत नितिश कुमार , प्रतिनिधि सभा सदस्य अनिल रुङ्ग्टा , युवराज लामा,पर्साका सहायक प्रमुख जिल्ला अधिकारी भिमकान्त पौडेल , बिरगंज उद्योग बाणिज्य संघका वरिष्ठ उपाध्यक्ष सुबोध गुप्ता , नेपाल पत्रकार महासघ प्रदेश न.२ का उपाध्यक्ष केसि लामिछाने , पर्साका अध्यक्ष श्याम बन्जरा, समाजसेबि पशुपति बिक्रम शाह , उषा शाह , सुनिल खेतान , रन्जेश श्रेष्ठ , सुरक्षा निकायका प्रमुख , पर्यटन व्यवसायीहरु , सन्चारकर्मीहरुको उपस्थिति रहेको थियो ।

त्यसै गरि आज होटेल तथा पर्यटन व्यवसायी सघमा नया सदस्यता लिने होटेलहरुलाई सदस्यताको प्रमाणपत्र प्रदान गरिएको थियो भने होटेल पर्यटन व्यवसायीमा आफ्नो अमुल्य योगदान दिने दुई महिला र पर्साका सन्चारकर्मीहरुलाई मायाको चिनो समेत दिएको थियो ।