काठमाडौँ।  २०७७ सालको माध्यमिक शिक्षा परीक्षा (एसईई) परीक्षा आगामी जेठ १३ गतेदेखि शुरु हुने भएको छ । राष्ट्रिय परीक्षा बोर्डले बुधबार एसईईको परीक्षा तालिका सार्वजनिक गरेको छ ।

परीक्षा तालिका अनुसार एसईई जेठ १३ गतेदेखि २४ गतेसम्म सञ्चालन हुने भएको छ । परीक्षा  जेठ १३ गतेदेखि बिहान ८ बजेदेखि ११ बजेसम्म हुनेछ । पहिलो दिन अनिवार्य अंग्रेजी विषयको परीक्षा हुनेछ ।

एसईई परीक्षा प्रदेशस्तरीय हुने भनिएपनि आवश्यक कानून निर्माण हुन नसक्दा वोर्डले नै देशभर परीक्षा संचालन गर्ने निर्णय यसअघि सरकारले गरेकोले सोही अनुरुप परीक्षा बोर्डले निर्णय गरेको जनाइएको छ ।