निजगढ । बाराको निजगढमा एक युवकको हत्या भएको घटनामा प्रहरीले एकजना शंकास्पद व्यक्ति रौतहटको चपुरबाट पक्राउ गरेको छ ।
पक्राउ पर्ने व्यक्ति मृतकको साथी भएको प्रहरी स्रोतले जनाएको छ । तर प्रहरीले पक्राउ पर्ने व्यक्तिको विवरण सार्वजनिक गरेको छैन ।

जिल्ला प्रहरी कार्यालय बाराका प्रवक्ता डिएसपी गौतम मिश्रले शंकास्पद एकजना व्यक्ति पक्राउ परेको र उनको घटनामा संलग्नाबारे अनुसन्धान भईरहेको बताए ।

बाराको निजगढ नगरपालिका–९ बुद्धचोकमा चन्द्रनिगाहपुरका १९ बर्षका रोहित शर्माको धारिलो हतियार प्रयोग गरि हत्या भएको छ ।