वीरगञ्ज । प्रदेश नम्बर २ का मुख्यमन्त्री लालबाबु राउतले विकास निर्माणमा कुनै सम्झौता नगर्ने बताएका छन् । पर्साको वीरगञ्जमा लक्ष्मणवा–भिस्वा क्षेत्रको सडक शिलान्यास गर्दै मुख्यमन्त्री राउतले गुणस्तरहिन विकास निर्माण भएको ठहर भएमा काम रोक्न स्थानीयलाई आग्रह गरेका छन् ।
दीर्घकालिन रुपमा टिकाउ हुने गरी विकास गर्नुपर्ने हुँदा प्रदेश सरकारको बजेटको उचित सदुपयोग गर्न जनताले जनप्रतिनिधिलाई खबरदारी गर्नुपर्ने राउतको भनाइ छ ।
प्रदेश २ को भौतिक पूर्वाधार विकास मन्त्रालयअन्र्तगत पूर्वाधार विकास कार्यालय पर्साद्वारा ८ सय मिटर कालोपत्रे सडकको शिलान्यास गरिएको हो ।
इदगाह, बाइपास, इनर्वा हुँदै बाराको बलिरामपुर जाने सडक निर्माणको जिम्मेवारी सन्तोष ताज जेभिलाई दिइएको छ । २०७८ असार १५ गतेभित्र निर्माण सम्पन्न गर्नेगरी आइतवार सम्झौता भएको हो ।
भ्याट र पिएससहित ७९ लाख २० हजार १ सय ४३ रुपैया ७४ पैँसाको लागतमा कालोपत्रे सडक निर्माण हुने छ ।
शिलान्यास कार्यक्रममा वीरगञ्ज महानगरपालिकाका नगरप्रमुख विजय कुमार सरावगी, प्रदेश सभा सदस्य सिँहासन साह कलवार, करिमा बेगम, जनता समाजवादी पार्टीका केन्द्रिय सदस्य शशीकपुर मियाँ, विरेन्द्र यादव, जसपा पर्साका अध्यक्ष रामनरेश यादब, सचिब तबरेज अहमद, रमेश यादव, इकाई अध्यक्ष अरुण यादव, शेख समिर, आमोद यादव, श्यामबाबु चौरसिया, विजय साह लगायतको उपस्थिती रहेको मुख्यमन्त्री राउतका स्वकिय सचिव दिपक यादवले बताए ।
यसैविच आइतवार नै मुख्यमन्त्री राउतले वीरगञ्ज महनगरपालिका वडा नम्बर १६ घुसुकपुरमा संसदिय कोषको २५ लाखको लागतमा बन्ने धर्मशालाको पनि शिलान्यास गरेका छन् ।
त्यसै गरी वीरगञ्ज महनगरपालिका वडा नम्बर १६ इनर्वा गाउँमा समाजिक विकास मन्त्रालयको सहयोगमा २० लाखको लागत निर्माण हुने धर्मशालको पनि मुख्यमन्त्री लालबाबु राउत गद्दी एवम् वीरगञ्ज महानगरपालिकाका मेयर विजयकुमार सरावगीले संयुक्त रुपमा पुजापाठ गरी शिलान्यास गरेका थिए ।
