वीरगन्ज । वीरगन्ज महानगरपालिकाको कार्यालय वीरगन्जमा आज ई– रिक्साको रुट र भाडा दर सम्बन्धि छलफल कार्यक्रम सम्पन्न भएको छ ।
वीरगन्ज महानगरपालिका अन्तर्गत रहेको यातायात तथा सवारी व्यवस्थापन कार्यबिधि २०७६ कार्यान्वयनका लागि कार्यदल गठन गरिएको हो ।
गठित कार्यदलका संयोजक वीरगन्ज महानगरपालिकाका पुर्वाधार बिकास समितिका अरबिन्द कुमार गुप्ताको संयोजकत्वमा निम्न सदस्य र पदाधिकारीहरुको उपस्थितिमा बैठक बसि ई–रिक्साको बाटो ईजाजत (रुट) र भाडा दर कायम गर्ने निर्णय गरिएको छ ।
सदस्य सचिबमा बिजय कुमार गुप्ता, सडक तथा यातायात व्यवस्था शाखा बिरगन्ज, सदस्यमा नागरिक समाज बिरगन्जका अमर गौतम, ट्राफिक बिज्ञ राजन श्रीवास्तव, नेपाल ईलेक्ट्रिक रिक्सा सञ्चालक कम्पनी प्राली बिरगन्ज पर्साका अध्यक्ष अमजद अन्सारी, यातायात व्यवस्था कार्यालय बिरगन्जका सवारी शाखाका अधिकृत अजय लाल कर्ण लगायतको कार्यदलले वीरगन्ज महानगर भित्र चल्ने ईरिक्साको भाडादर सर्वसहमतीबाट निर्णय गरेको र भोली देखि ई–रिक्साका रुट र भाडादर सबैले देख्ने गरि राखिने समेत सहमति भएको हो ।
आज बसेको बैठकले १० वटा स्थान जाने र आउने रुट कायम गरेको छ भने रुट अनुसारको बोर्ड र भाडादर समेत सर्वसाधारणले देख्ने गरि राखिने निर्णय गरिएको हो ।
1) रुट नं. १ मा घन्टाघर देखि सुरु भई माईस्थान, लोहारपट्टि चोक सम्म १०, बिर्ता चौकको, नारायणी अस्पताल सम्म १५, ईदगाह चौक सम्मको २५ र रजतजयन्ती चोक हुँदै मितेरी पुलसम्मको ३० रुपैया कायम भएको छ ।
2) रुट नं.२ मा घन्टाघर देखि डेरि हक १०, मुर्ली चोकसम्म १०, त्रिमुर्ति चोक र पावरहाउस चोकसम्मको १५, चिनिमिल आवास र पिपरा बहुअरि २० त्यसपछि गण्डक चौकसम्मको ३० रुपैया तोकिएको हो ।
3)रुट नं. ३ मा घन्टाघर– जिल्ला प्रशासन कार्यालय – रानिघाट – श्रीपुरटोल – वडा प्रहरी कार्यालय – राधेमाई – करबोला चोक सम्मको २० रुपैया तोकिएको छ भने रुट नं. ४ मा घन्टाघर देखि लिंकरोड–ब्यारेक चौक– नयाबसपार्क – मेडिकल– भेडियाही गाउँ सम्मको २५ रुपैया रहेको छ ।
4)रुट नं. ५ मा लक्ष्मनवा चौक देखि – प्रतिमा चौक, ब्रह्मचोक सम्म १०, न्युरो अस्पताल, नेपाली सेनाको ब्यारेक सम्म १५ र ३ नम्बर सडक हुँदै रेशमकोठी चोक, लोहारपट्टी चोकको २०, राष्ट्र बैक –नगरपालिका चोक सम्म २५ र रा. बैक चोक हुँदै पुरानो बसपार्क सम्मको ३० लिने तोकिएको छ ।