बीरगन्ज । पर्साको पर्सागढी नागरपालिकाबाट अवैध लागुऔषध गाँजासहित २ जनालाई प्रहरीले पक्राउ गरेको छ । पर्सागढी नगरपालिका वडा नं ९ बाट २ किलो लागुऔषध गाँजासहित मकवानपुरका २ जनालाई प्रहरीले पक्राउ गरेको हो ।

पक्राउ पर्नेहरुमा मकवानपुरको राक्सीराङ्ग गाउँपालिका वडा नं ८ निवासी १८ वर्षिय सुकराम तामाङ्ग र १९ वर्षिया अस्मिता तामाङ्ग रहेको जनाइएको छ । विशेष सुचनाका आधारमा खटीएको प्रहरीको टोलिले पर्सागढीको बडेर्वाबाट एकटांगा जाने कच्ची सडकमा चेकजाँच गर्दा उनीहरुलाई लागुऔषधसहित पक्राउ गरेको प्रहरीले जनाएको छ ।

पक्राउ परेकाहरुलाई आर्थिक प्रलोभन दिई गाँजा ल्याउन लगाउनेको पहिचान भइसकेको र खोजीकार्य भईरहेको जिल्ला प्रहरी कार्यालय पर्साले जानकारी गराएको छ । पक्राउ परेकाहरुलाई जिल्ला प्रहरी कार्यालय पर्साको हिरासतमा राखेर थप अनुसन्धान भईरहेको छ ।