बिरगंज | सर्वोच्च अदालतले प्रतिनिधिसभा पुनःस्थापनाको फैसला सुनाएपछि नेकपाको प्रचण्ड–माधव नेपाल समूहले बुधबार संसदीय दलको बैठक आह्वान गरेको छ । सो समूहले बुधबार अपरान्ह चार बजे संसदीय दलको बैठक बोलाएको छ । सो बैठकमा नेकपाको ओली समूहका सांसदलाई समेत आमन्त्रण गरिएको छ।

नेकपामा औपचारिक रुपमै विभाजन भइसकेपछि यसअघि नै प्रचण्ड–नेपाल समूहले ओलीलाई संसदीय दलको नेताबाट हटाएर प्रचण्डलाई संसदीय दलको नेतामा चयन गरेको छ।

आजको फैसलामा सर्वोच्चले १३ दिनभित्र संसदको अधिवेशन बोलाउन आदेश दिएसँगै प्रचण्ड–नेपाल समूहले संसदीय दलको बैठक बोलाएको हो।

सो बैठकमा ओली समूहका सांसद सहभागी हुने यन नहुने बारेमा केही बताएका छैनन् तर यसअघि जस्तै सबै सांसदलाई आमन्त्रण भने गरिएको समाचार स्रोतले बतायो ।