बिरगंज | बिरगंजमा रहेका खानेपानी उद्योगमा आज प्रशासनद्वारा छड्के चेकजाँच भएको छ ।चेकजाच गर्ने क्रममा अधिकान्स खानेपानी उद्योगहरु मापदण्ड बिपरित सन्चालन गरेको पाईएको थियो ।

खाध्य प्रविधि तथा गुण नियन्त्रण डिभिजन कार्यालय बिरगंज पर्साले वीरगञ्जमा रहेको पानी उद्योगहरूमा छड्के अनुगमन गरेको थियो । खाध्य प्रविधि तथा गुण नियन्त्रण डिभिजन कार्यालय बिरगंज पर्साका प्रमुख बिक्की राउतको नेतृत्वमा निस्केको अनुगमन टोलीले आज बीरगञ्ज एरियामा रहेको आधा दर्जनभन्दा बढी पानी उद्योगहरूमा छड्के चेकजाँच गरेको थियो l

आज गरिएको छड्के चेकजाँच गर्ने क्रममामा अधिकांस पानी उद्योगहरु मापदण्ड अनुसार संचालन नरहेको पाइएको छ । अधिकांस उद्योगहरुले पिउने पानीको जार सफा नहेरेको, जार फुटेको, मेसिनहरु बिग्रिएको , सफासुग्घर नभएको पाइएपछि अनुगमन टोलीले त्यसलाई सुधार्न भनी १ महिनाको समय दिएको छ ।

त्यसपछि पनि सुधार गरेको पाइएन भने कानुन अनुसार कारवाही गर्ने अनुगमन टोलीका प्रमुख विकि राउतले बताएका थिए । त्यसै गरि आजै बीरगञ्ज महानगरपालिका वडा नं १३ मा सञ्चालनमा रहेको म्याक्स प्याकिङ उद्योगले दर्ता बिना नैं पानीको जार बिक्री गरेको पाइएपछि कारवाही स्वरूप उद्योगको सम्पूर्ण कागजात जफतगरी, उद्योगमा ताल्चा लगाइ जिल्ला प्रशासन कार्यालयमा सम्पर्क गर्न निर्देशन दिइएको छ ।

यसैगरी अधिकांस फ्याक्टरीहरुमा पानीको जार सफासुग्घर नभएको, पचकेको, काम नलाग्ने पाइएपछि करिब २०० पानीको जार नष्ट गरिएको छ । अनुगमन टोलीले आज रानीघाटमा रहेको बोलबम पियोर ड्रीकिङ वाटर, निर्जल जल, साई ड्रीङ्किंग वाटर लगायतको पानी फ्याक्टरीहरूमा अनुगमन गरेको थियो ।

अब आउने दिनहरुमा होटल, मिठाइ पसल, मसला उद्योग लगायत कम्पनीहरुमा पनि अनुगमन गर्ने टोलीका प्रमुख बिक्की राउतले जानकारी दिनुभयो । आजको अनुगमनमा जिल्ला प्रशासन कार्यालयका सहायक प्रमुख जिल्ला अधिकारी भिमकान्त पौडेल, घरेलु तथा साना उद्योग कार्यालयका प्रतिनिधी सुदर्शन आचार्य, जिल्ला प्रहरी कार्यालयका प्रहरी नायब निरीक्षक उपेन्द्र यादव, सञ्चारकर्मी संजिव मिश्रा, आनन्द पटेल, सन्तोष रंजितकार, नितेश कर्ण लगायतको सहभाितामा रहेको थियो ।