बीरगंज। कृष्णा कुशवाहा। बिन्दबासिनी गाउँपालिकाको वडा ०५ स्थित हासवामा एक आपसमा मोटरसाइकल ठोक्किदा दुवै मोटरसाइकलका चालक घाइते भएका छन् ।

घाइते हुनेमा पकहामैनपुर गाउँपालिका वडा नं – ४ लहवारथकरीका अन्दाजी २३ बर्षीय भोट गदी र कालिकामाई गाउँपालिका वडा नं – ४ भेडियारीका अन्दाजी ३० बर्षीय अतिउल्हा खान रहेको प्रहरी चौकी प्रसौनिका सई राम पदारत साहले जनाएका हुन ।

घाइतेहरुको उपचार लागि वीरगंज लागिएको हो। घाइतेमध्येको भोट गदीको अवस्था चिन्ताजनक रहेको प्रहरीले जनाएको छ।

प्रहरी चौकीका सइ साहका अनुसार बीरगंज बाट पकाहामैनपुर जादै गरेको ना. १८ प ६५६३ नम्वरको मोटरसाइकल विपरीत दिशाबाट आउँदै गरेको ना. १२ प ५७८३ नम्वरको मोटरसाइकल एक आपसमा ठोक्किएर दुर्घटना भएको हो । मोटरसाइकल प्रहरीको नियन्त्रणमा रहेको उनले जानकारी दिए ।