बिरगंज  ।बिशेष सूचनाको आधारमा आज शनिबार बिहान ११:०० बजेको समयमा जिल्ला पर्सा बहुदरमाई न.पा.वडा नं.७ बिश्रामपुर बस्ने बर्ष ६० को मुसलीम देवानले लागु औषध चरेश बिक्री वितरण गर्ने प्रयोजनार्थ घरमा लुकाई छिपाई राखेको छ, |

भन्ने प्राप्त सूचना अनुसार जिल्ला प्रहरी कार्यालयबाट खटि गएको प्रहरी टोलीले निज मुसलीम देवानको घरको रितपूर्वक खानतलासी गर्दा उक्त घरको कोठा भित्र रहेको खाट मुनी लुकाई छिपाई राखिएको ५०० ग्रामको १२ पोका र २५० ग्रामको १२ पोका गरी जम्मा लागु औषध चरेश ९ के.जी.२० ग्राम

चरेश र चरेश बनाउने लासा ९२० ग्राम तथा चरेश पेल्ने मेसिन थान ३ फेला परेकोले निज मुसलीम देवानलाई बरामद भएको लागु औषध चरेश सहित पक्राउ गरि ल्याइ आवश्यक अनुसन्धान कार्य भईरहेको पर्सा प्रहरीले जनाएको छ ।