वीरगञ्ज | वीरगञ्ज महानगरपालिकाभित्र सञ्चालनमा रहेको ईरिक्सा चालकहरुले शुक्रबार महानगर कार्यालय घेराउ गरेका छन्।महानगरपालिकाले निर्धारण गरेको ई रिक्सा दर्ता लगायतका अन्य शुल्क चर्को भएको भन्दै आन्दोलनमा उत्रिएका ईरिक्सा चालकहरुले महानगरको कार्यालय घेराउ गरेका हुन।यसअघि यातायात कार्यालय मातहत रहेका ई रिक्साहरु अब महानगरपालिकामा दर्ता गरी चलाउनुपर्ने नवीकरण नभएकालाई नवीकरण गराउनुपर्ने, बिमा गराउनु पर्ने लगायतका शुल्कहरु महानगरपालिकाले ईरिक्सा चालकहरुमाथि थोपारेको भन्दै चालकहरु आन्दोलनमा उत्रिएका हुन।
उनीहरुले महानगरको गेट अगाडि आफनो ईरिक्सा लगेर पार्क गरेका थिए। उनीहरुले महानगरको गेट अगाडि केही बेर नाराबाजी समेत गरेका थिए।महानगरपालिका मातहत दर्ता भएर चलाउनु पर्ने भएपछि पहिले यातायात कार्यालय मातहतमा रहेकाहरुले फेरि दर्ता शुल्क तिर्नुपर्ने बाध्यता भइ दोहोरो शुल्क लाग्ने भएपछि आफूहरु आन्दोलनमा उत्रेको वीरगञ्ज २५ खल्वा र्सिसियाका ईरिक्सा चालक राजा साहेबले जानकारी दिए।यातायात पहिले देखि नै दर्ता रहेका ईरिक्साहरु फेरि महानगरमा पनि दर्ता गर्दा शुल्क लाग्ने तथा महानगरले बीमा लगायतका गरी लगभग ३० हजार शुल्क एउटा चालकले तिर्नुपर्ने भएकोले उक्त शुल्क चर्को भएको साहेबको भनाइ थियो।
उनले महानगरले आफ्नै नगर भित्रका गरिब ईरिक्सा चालकहरुको रोजी रोटी खोस्न चाहेको आरोप लगाएका छन्।महानगरले गरिबहरुको हितलाई मध्यनजर राख्दै नियम कानुन बनाउनु पर्ने भएपनि झनै गरिबहरुलाई शुल्क लादने काम महानगरले गरेको चालक साहेबको भनाई थियो।‘यातायातमा दर्ता गराएर हामीहरु महानगरभित्र ई रिक्सा चलाउदै आएका थियौ,तर अब आउदो २० गतेबाट चलाउन नपाईने भनि सुचना जारी भएको,साहेबले भने,महानगरमा पनि दर्ता गराउदा बिमा शुल्क दर्ता शुल्क नविकरण गरि एक जना चालकमाथि २५ हजार भन्दा बढी शुल्क लाग्न भयो त्यो हामी गरिबहरु कहाँबाट ल्याउछौँ।
’देशको अन्य स्थानहरुमा ई रिक्साको बिमा पनि गरिएको नभएकोले यहाँ बिमा गराउनु पर्ने झन्झट महानगरले राखि दिएको उनको जिकीर छ।यसअघि यातायात कार्यालयमा दर्ता भएर महानगर क्षेत्रभित्र चल्दै आएको ई रिक्सा आउदो माघ २० गतेदेखि महानगरमा अनिवार्य दर्ता गरि चलाउनु पर्ने हुन्छ।दर्ता नभई चलाइएको खण्डमा जरिवाना गरिने भनी महानगरपालिकाले जानकारी गराएको ईरिक्सा चालकहरुले बताएका छन्।
