मुम्बई । नयाँ वर्ष सुरु भएसँगै भारतका चर्चित कमेडियन कपिल शर्मा १९० देशका दर्शकलाई मनोरञ्जन दिन तयार भएका छन् ।उनी आफ्नो रमाइलो र अतुलनीय शैलीमा नेटफ्लिक्सको शोमार्फत् दर्शकलाई मनोरञ्जन दिन आउन लागेका हन् । यस कुराको जानकारी कपिलले सामाजिक सञ्जालमार्फत् दिए ।

उनले नेटफ्लिक्स डेब्युबारे जानकारी दिँदै गरेको छोटो रमाइलो भिडियो सेयर गरेका छन् । यसका साथै क्याप्सनमा उनले लेखेका छन्, “नेटफ्लिक्ससँगको मेरो पहिलो सहकार्यका लागि म निकै उत्साहित छु । २०२० विश्वमा सबैका लागि एउटा खराब यात्रा रह्यो । त्यसैले मेरो उद्देश्य भनेको मानिसहरुलाई त्यो सबै चिन्ता बिर्साएर नयाँ वर्षलाई हाँसो, माया र सकारात्मकतासँग स्वागत गराउनु हो ।”

नेटफ्लिक्सँग आबद्ध हुने चाहना पहिलेदेखि भए पनि उनीहरुको नम्बर नभएर सम्भव नभएको भन्दै उनले हास्यास्पद शैलीमा आफ्नो इच्छा व्यक्त गरे ।साथै, उनी अगाडि थप्छन्, “यो मेरो मुटुको नजिकको प्रोजेक्ट हो र म यसबारे मेरा प्रशंसकबीच थप जानकारी दिन म उत्सुक छु ।”