वीरगंज संजालवीरगंज | मोबाइल प्रविधिको विकाससँगै पछिल्ला केही वर्षमा ‘सेल्फी’ शब्दावली काफी प्रचलनमा छ । कुनै नयाँ स्मार्टफोन खरिद गर्दा धेरै जसो प्रयोगकर्ताको ध्यान त्यसमा रहेको क्यामेरामै जाने गर्दछ ।
त्यसो त स्मार्टफोन निर्माता कम्पनीहरु समेत क्यामेराबाटै प्रयोगकर्ताहरुलाई आफूतिर तान्ने होडमा लागिपरेका छन् । यस्तोमा मुख्य क्यामेरासँगै सेल्फीको चर्चा पनि हुने नै भयो ।
यसअघि हामीले उत्कृष्ट मेन क्यामेरा भएका टप टेन स्मार्टफोनको विषयमा चर्चा गरेका थियौं । तर अहिले बजारमा रहेका फोनहरुमा सेल्फीका लागि उत्कृष्ट कुन त ?
यदि तपाईंको मनमा पनि यही प्रश्न छ भने तपाईं अहिले सही स्थानमा हुनुहुन्छ । अहिले बजारमा आउने सबैजसो स्मार्टफोनमा सेल्फी क्यामेरा त रहेकै हुन्छ ।
तर यस्तोमा सेल्फीका लागि सबैभन्दा उत्कृष्टचाहिँ कुन होला ? आज हामी यहाँ उत्कृष्ट सेल्फी क्यामेरा भएका टप टेन स्मार्टफोनको बारेमा बताउँदै छौं । जुन उत्कृष्टताको आधारमा मोबाइल क्यामेराको र्याङ्किङ गर्ने डीएक्सओ मार्कको सूचीमा आधारित छ ।
१. ह्वावे मेट फोर्टी प्रो
सेल्फी क्यामेरामा सबैभन्दा अब्बल ठहरिएको ह्वावे मेट फोर्टी प्रो १०४ अंकका साथ पहिलो नम्बरमा रहेको छ । ह्वावेले यो फोनमा अल्ट्रा भिजन सेल्फी क्यामेरा राखेको छ ।
जुन गेस्चर सेन्सर युक्त वाइड एंगल क्यामेरा हो । १३ मेगापिक्सेलको यो क्यामेरामा रहेको एडप्टिभ सेल्फी मोडले तीन फरक प्रकारका वाइड एंगल सपोर्ट गर्दछ ।
यदि तपाईं ग्रुपफी अर्थात समूहमा सेल्फी लिँदै हुनुहुन्छ भने क्यामेराले आफै सेन्स गरेर उपयुक्त वाइड एंगल मोड एक्टिभ हुने गर्दछ ।
२. ह्वावे पी फोर्टी प्रो
उत्कृष्ट सेल्फी क्यामेरा भएको मोबाइलको सूचीमा ह्वावेकै पी फोर्टी प्रो रहेको छ । जसको स्कोर १०३ रहेको छ । यसमा ३२ मेगापिक्सेलको एचडी क्यामेरा राखिएको छ ।
जसमा अटोफोकस र आईआर डेप्थ सेन्सर दिइएको छ । यसबाट ४ के भिडियो समेत खिच्न सकिन्छ ।
३. असुस जेनफोन सेभेन प्रो
उत्कृष्ट सेल्फी क्यामेरामा तेस्रो स्थान असुस जेनफोन सेभेन प्रोले ओगटेको छ । जसले १०१ अंक बटुलेको छ ।
सेल्फीका लागि मोटोराइज फ्लिप अप क्यामेरा मोड्युल प्रयोग गरिएको छ । जसबाट एटके सम्मको सेल्फी भिडियो खिच्न सकिन्छ भने अल्ट्रा वाइड भिडियो फोरकेसम्म खिच्न मिल्छ ।
४. सामसङ ग्यालेक्सी एस ट्वान्टी अल्ट्रा फाइभजी (एक्सिनस)
उत्कृष्ट सेल्फी क्यामेरा भएको स्मार्टफोनको सूचीमा दक्षिण कोरियाली कम्पनी सासङले निकालेको एस ट्वान्टी अल्ट्रा चौथो नम्बरमा पर्न सफल भएको छ । जसको स्कोर १०० रहेको छ ।
यो फोनमा ४० मेगापिक्सेलको सेल्फी क्यामेरा राखिएको छ । जसबाट ३०/६० एफपीएसमा फोरके भिडियो तथा ३० एफपीएसमा १०८० पीमा एचडी भिडियो रेकर्ड गर्न सकिन्छ ।
५. सामसङ ग्यालेक्सी नोट ट्वान्टी अल्ट्रा फाइभजी (एक्सनस)
यो सूचीको पाँचौं स्थानमा समेत सामसङकै अर्को स्मार्टफोन सामसङ ग्यालेक्सी नोट ट्वान्टी अल्ट्रा फाइभजी (एक्सिनस) रहेको छ । जसको स्कोर समेत १०० नै रहेको छ ।
यसमा १० मेगापिक्सेलको सेल्फी क्यामेरा राखिएको छ । एफ/२.२ तथा २६ एमएम वाइड एंगल लेन्स रहेको यो क्यामेराबाट फोरकेसम्मको भिडियो रेकर्ड गर्न सकिन्छ ।
६. ह्वावे नोभा सिक्स फाइभजी
उत्कृष्ट सेल्फी क्यामेरा भएको स्मार्टफोनको छैटौं नम्बरमा ह्वावे नोभा सिक्स फाइभजी परेको छ । जसले १०० स्कोर पाएको छ ।
यसमा ८ मेगापिक्सेलको अल्ट्रा वाइड एंगल लेन्स सहित ३२ मेगापिक्सेलको सेल्फी क्यामेरा दिइएको छ । जसबाट १०५ डिग्रीमा सेल्फी लिन सकिन्छ ।
७. सामसङ ग्यालेक्सी नोट टेन प्लस फाइभजी (एक्सिनस)
सामसङकै अर्को स्मार्टफोन ग्यालेक्सी नोट टेन प्लस फाइभजी (एक्सिनस) उत्कृष्ट सेल्फी क्यामेरा भएको मोबाइलको सातौं स्थानमा छ । जसको अंक ९९ रहेको छ ।
यो फोनमा १० मेगापिक्सेलको सेल्फी क्यामेरा दिइएको छ । जसबाट फोरकेसम्मको भिडियो रेकर्ड गर्न सकिन्छ ।
८. एप्पल आईफोन ट्वेल्भ प्रो म्याक्स
एउटा अनौठो कुरा प्रिमियम स्मार्टफोन निर्माता कम्पनी एप्पलको आईफोनको उत्कृष्ट सेल्फी क्यामेरा भएको स्मार्टफोन मुस्किलसँग सूचीको ८ औं स्थानमा परेको छ । जसले ९८ स्कोर मात्रै पाउन सकेको छ ।
यसमा बायोमेट्रिक तथा डेप्थ सेन्सर सहित १२ मेगापिक्सेलको सेल्फी क्यामेरा राखिएको छ । जसबाट फोरकेसम्मको भिडियो रेकर्ड गर्न सकिन्छ ।
९. एप्पल आईफोन ट्वेल्भ प्रो
एप्पलकै अर्को स्मार्टफोन आईफोन ट्वेल्भ प्रो सेल्फी क्यामेराको दौडमा ९ औं स्थानमा छ । यसले समेत आईफोन ट्वेल्भ प्रो म्याक्सकै समान ९८ अंक पाएको छ ।
यसमा समेत बायोमेट्रिक तथा डेप्थ सेन्सरसँगै १२ मेगापिक्सेलकै सेल्फी क्यामेरा राखिएको छ । जसबाट ३० तथा ६० एफपीएसमा फोरके भिडियो शुट गर्न सकिन्छ ।
१० असुस जेनफोन सिक्स
असुस जेनफोन सिक्स यो सूचीको दशौं नम्बरमा पर्न सफल भएको छ । यसले समेत ९८ अंक नै पाएको छ ।
यो फोनमा मोटोराइज्ड फ्लिप अप सेल्फी क्यामेरा प्रयोग गरिएको छ । जसबाट फोरकेसम्मको भिडियो रेकर्ड गर्न सकिन्छ ।
