वीरगंज | त्रिभुवन अन्तर्राष्ट्रिय विमानस्थलबाट जनकपुर जानुपर्ने यात्रु पोखरा पुगेका छन्। बुद्ध एयरको ६०७ नम्बरको उडानबाट जनकपुर पुग्नुपर्ने यात्रु पोखरा पुगेका हुन्।
बुद्धको ६०७ नम्बरको उडान पोखराका लागि नै तय गरिएको थियो। तर विमानस्थल ग्राउन्ड ह्यान्डलिङका कर्मचारीको लापरबाहीका कारण जनकपुर पुग्नुपर्ने यात्र पोखरा पुगेका हुन्। जनकपुर पुग्नुपर्ने यात्रु पोखरा पुगेको विषयमा कुराकानी गर्न खोज्दा बुद्ध एयरले कुनै पनि प्रतिक्रिया दिन अस्वीकार गरेको छ।
पोखरा विमानस्थलका प्रवक्ता देवराज सुवेदीका अनुसार जनकपुर जान भनेर हिँडेका यात्रु पोखरा विमानस्थलमा अवतरण गरेपछि मात्र यसबारे थाहा पाएका थिए।विमानस्थल ग्राउन्ड ह्यान्डलिङकै कर्मचारीको कमजोरीका कारण यस्तो हुन पुगेको समेत उनको भनाइ छ। यद्यपि यो विषयमा थप अध्ययन हुनेसमेत बताए।
पोखरा पुगेका जनकपुर जानुपर्ने यात्रुलाई पुनः जनकपुर पठाइएको छ।
