बारा । अमरेस कुमार पाण्डे ।  बारामा न्यू आदर्श क्रिकेट क्लबद्वारा आयोजित मेयर कप सीजन २ क्रिकेट कपको उपाधि त्रिबेनी क्रिकेट क्लब कलैयाले जितेको छ . कचोर्वा क्रिकेट  मैदानमा आज सम्पन्न फ़ाइनल खेलमा त्रिबेनीले न्यू आदर्श क्रिकेट क्लब कचोर्वालाइ १० रनले पराजित गर्दै उपाधि जितेको हो . निर्धारित २० ओभरको खेलमा टस जितेर फर्स्ट ब्याटिङ्ग गरेको त्रिबेनीले १५३ रन बनाएको थियो। 

जवाफमा न्यू आदर्श क्रिकेट क्लब कचोर्वाले पुरै २० ओभरमा ७ विकेट गुमाउदै १४४ रन बनाएपछि उपाधि १० रनले जितेको थियो . मेयर कप सीजन २ को उपाधि जित्न सफल त्रिबेनीले प्रथम पुरस्कार पल्सर मोटरसाइकल सहित ट्रफी र उपबिजेता कचोर्वाले एलईडी टीभी सहित ट्रफी हात हात पारेका थिए !

फाइनल खेलको म्यान अफ द म्याच त्रिबेनिका साबिर आलम, म्यान ऑफ द सीरीज चीकू कुमार भएका थिए भने नेपाल टीमका खेलाड़ी महबूब आलम, जीतेन्द्र मुखिया र समीर नेपाल खेलको मुख्य आकर्षकको केन्द्र रहेका थिए।

खेल समापन पश्चात् पुरस्कार बितरण कार्यक्रममा सिम्रौनगढ़ नगरपालिकाका प्रमुख प्रशाशकीय अधिकृत हरिओम प्रसाद जैस्वाल, वडा नम्बर ८ का वडा अध्यक्ष दामोदर जैस्वाल, वडा नम्बर ९ का अध्यक्ष अरबिंद प्रसाद यादव, नेकपा बाराका जिल्ला कमिटी सदस्य बतहु यादव, भोजेंद्र यादव लगायतले बिजेता र उप बिजेता टीमलाई पुरस्कारमा राखिएको पल्सर मोटरसाइकल, प्रमाण पत्र र ट्रॉफी बितरण गरेका थिए।