वीरगंज | विदेशबाट आउने किताबमा लाग्दै आएको भन्सार महसुल छुट दिएकोबारे सरकारले थप व्याख्या गरेको छ।छुट दिने निर्णयको व्याख्या गर्दै सरकारले नेपाली प्रकाशकले विदेशबाट किताब छापेर ल्याउँदा १० प्रतिशत भन्सार महसुल लगाउने निर्णय गरेको छ।

गत आर्थिक वर्ष विदेशबाट आउने सबै किताब तथा पत्रपत्रिकामा १० प्रतिशत भन्सार लगाउने निर्णय गर्नुअघि पनि नेपाली प्रकाशकले विदेशमा छापेर नेपालमा ल्याउँदा १५ प्रतिशत भन्सार लाग्दै आएको थियो।

विदेशी किताब आयातमा पनि भन्सार लगाउने निर्णय उल्टिएसँगै नेपाली प्रकाशकले भने विदेशमा किताब छाप्दा गरेको खर्च, भाडा र बीमा गरी हुन आउने खर्चको १० प्रतिशत भन्सार महसुल तिर्नुपर्नेछ।