बिरगंज  । राजतिकका लौह पुरुष स्वर्गिय गणेशमान सिंहको १०६ औं जन्मजयन्तीको अवसरमा बिपि कोइराला स्कुल अफ पब्लिक पोलेसी जिल्ला कार्यालय समिति पर्साले बीरगन्जमा सर–साई तथा जनचेतना मूलक कार्यक्रम सम्पन्न गरेको छ । सिंहको जन्मजयन्तीको अवसरमा बीरगन्ज घण्टाघरको उत्तर पट्टि रहेको बिपि उद्यानको क्षेत्रको समितिले सर–साफाई गरेको हो ।

नेपाली काग्रेसका नेता स्वर्गिय गणेशमान सिंहको स्मृतिमा समितिले सरसाफाई कार्यमा टेवा पु¥याउँने उदेश्यका साथ घण्टाघर तथा मुर्ली बजार क्षेत्रमा डस्विन समेत वितरण गरेको छ । घण्टाघर तथा मुर्ली बजार क्षेत्रमा गरी ५० थान डस्विन वितरण गरेको समितिले जनाएको छ ।

बिपि कोईराला स्कुल अफ पव्लिक पोलेसी पर्साका अध्यक्ष अभय कर्णको सभापतित्व तथा नेपाली कांग्रेस पर्साका कोषा अध्यक्ष इम्तेयाज आलमको प्रमुख आतिथ्यमा सम्पन्न भएको कार्यक्रममा नेपाली कांग्रेस पर्साका युवा नेता राकेश यादव, दिलिप राज कार्की, नेवि संघ पर्साका सभापती विकास तिवारी, नेवसंघ पर्साका उपाध्यक्ष साविर हुसैन,नेवसंघ पर्साका प्रबक्ता केशवराज मिश्र,ठाराब एकाई सभापती मनोज कुमार साह,पोलेसीका उपाध्यक्ष गजेन्द्र महतो,सह–सचिव अमरेन्द्र यादव,प्रदेश सदस्य रमेश यादव, जेपी ठाकुर,अमित कर्ण लगायतका बिधार्थी तथा युवा नेताहरुको सहभागिता रहेको थियो ।