बिरगंज । पर्सा प्रहरीले स्रोत नखुलेको १६ लाख रकमसहित एक भारतीय नागरिकलाई पक्राउ गरेको छ।

भारतको रक्सौल पूर्वी चम्पारण–१० बस्ने ५० वर्षीय कृष्णकुमार जैनलाई पर्सा प्रहरीले सोमबार सार्वजनिक गरेको हो। वीरगञ्ज महानगरपालिका–८ माइस्थान चोकबाट स्रोत नखुलेको १६ लाख नेपालीसहित भारतीय नागरिक जैन पक्राउ परेका हुन्।

रक्सौलबाट वीरगञ्जतर्फ आउँदै गरेको ना६४प ९०५६ नम्बरको मोटरसाइकललाई चेक जाँच गर्ने क्रममा प्रहरीले उक्त रकम बरामद गरेको हो।

बरामद रकम हुन्डी कारोबारमा प्रयोग हुनसक्ने प्रहरीको आशंका छ। पक्राउ परेका व्यक्तीलाई बैंक तथा वित्तिय ऐन सम्बन्धी कसुरमा म्याद थप गरी अनुसन्धान थालिएको जिल्ला प्रहरी कार्यालय पर्साले जनाकारी दिएको छ।