काठमाडौं । स्मार्टफोन ब्रान्ड भिभोले नयाँ भी २० सिरिजअन्तर्गतको नयाँ स्मार्टफोन भीभो भी २० एसई नेपाली बजारमा भित्राएको छ ।

यो सिरिजमा उत्कृष्ट क्यामेरा, आकर्षक डिजाइन रहेको कम्पनीले जनाएको छ । युवापुस्ता र फेसनलाई ध्यानमा राख्नेहरुलाई लक्षित गरि यो स्मार्ट फोन निर्माण गरिएको जनाइएको छ ।

भी २० एसईमा ३२ मेगापिक्सेल सुपर नाइट सेल्फीको साथमा औरा स्क्रिन लाइट छ । प्रयोगकर्ताहरुले राति वा अध्याँरोमा पनि स्पष्ट तस्बिरहरु लिन सक्ने जनाइएको छ । यस स्मार्टफोनमा रहेको सिल्क म्याजिकल डिजाइनको साथमा ७.८ एमएम थ्री डी बडीले ग्राहकको जीवनशैलीलाई थप बढवा दिने दाबी कम्पनीको छ ।

भिभो नेपालका निर्देशक भन्छन्, “भिभोमा हामी सधैं ग्राहकहरुको आवश्यकताहरुलाई ध्यानमा राख्दै नयाँ तथा उपयोगी प्रविधिहरु ल्याउने कोसिस गर्छौं । ग्राहकहरुको आवश्यकताअनुरुप भी २० एसई मा उत्कृष्ट क्यामेरा प्रविधि, बेजोड प्रदर्शनी छ ।”

यो स्मार्ट फोनमा सुपर नाइट मोड र सुपर वाइड एन्गलको साथमा उत्कृष्ट क्यामेरा, स्लिक म्याजिकल डिजाइन, ग्रयाभिटी ब्लयाकलगायत विशेषता रहेको कम्पनीले जनाएको छ । यो स्मार्ट फोनको मूल्य ४० हजार रुपैयाँ छ ।