वीरगंज संजालवीरगन्ज । तिहार छठ नजिकिदै जाँदा बजारमा मंहगी बढेको सूचनाको अधारमा वीरगंज तथा बाराको जितपुर बजारमा स्थानीय प्रशासनले अनुगमन तिव्र बनाएको छ।
प्रहरी तथा सरोकारवालाहरुको सहयोगमा वाणिज्य, आपूर्ति तथा उपभोक्ता संरक्षण कार्यालय पर्साले बाराको जितपुर बजारमा अनुगमन गरी १४ वटा पसललाई कारबाही गरेको छ।
वाणिज्य कार्यालय पर्साका निमित्त कार्यालय प्रमुख जित बहादुर भण्डारीको नेतृत्वमा इलाका प्रहरी कर्यालय जितपुर, नगर उद्योग वाणिज्यसँग जितपुरको प्रतिनिधिको रोहबरमा गरिएको बजार अनुगमनमा जितपुरमा उपभोक्ता संरक्षण ऐन,२०७५ बमोजिम दोषी देखिएकोले तत्काल जरिवाना गरी कारबाही गरिएको थियो।
खरिद बिल नदेखाएकोले जितपुरको विनोद किराना पसल, जोया किराना एण्ड जेनरल स्टोर, जय माता दी किराना एण्ड जेनरल स्टोरलाई क्रमशः २० हजार, सोना सप्लायर्सलाई १० हजार, न्यु प्रियाँसु इन्टरप्राईजेज जितपुर सिमरालाई ५ हजार, फैशन वर्ल्ड जितपुरलाई ७ हजार, सावना फेन्सी स्टोरलाई ५ हजार, ओम वस्त्रालयलाई २० हजार, चन्दन वस्त्रालयलाई १० हजार, नरेश वस्त्रालयलाई १५ हजार, सिमरन वस्त्रालय सिमरालाई १५ हजार, साजन वस्त्रालय जितपुरलाई ५ हजार तत्काल जरिवाना गरिएको वाणिज्य आपूर्ति तथा उपभोक्ता संरक्षण कार्यालयका सूचना अधिकारी दिलिप खंग खत्वेले जानकारी दिए।
शुक्रवार भने वीरगन्ज बजारमा अनुगमन गरी दुई वटा पसललाई कारबाही गरिएको थियो। वीरगंज बजारमा अनुगमनको क्रममा गुलाब एण्ड सन्स वीरगंजले मूल्यसूचि नराखेको अवस्थामा ५० हजार र श्रीराम ट्रेडिंग, वीरगन्ज १० आदर्शनगरलाई मूल्यसूचि नराखेकोले ५० हजार नगद जरिवाना गरिएको थियो।
