वीरगंज संजालजनकपुर । जनकपुरधामबाट आठजना जुवाडे पक्राउ परेका छन्।धनुषाको जनकपुरधाम उपमहानगरपालिका वडा नं. ५ का दिलिप मण्डलले वडा नं. ४ स्थित राजदेवी मन्दिर पछाडि सञ्चालन गरेको डि.के. होटलमा जुवा खेलिरहेका संचालकसहित आठजनालाई गोप्य सूचनाको आधारमा पक्राउ गरिएको धनुषाका प्रहरी प्रवक्ता प्रहरी नायव उपरीक्षक मकेन्द्र कुमार मिश्रले जानकारी दिए।
जिल्ला प्रहरी कार्यालय धनुषाबाट खटेको प्रहरी टोलीले उनीहरुलाई १ लाख ६३ हजार ६ सय ६० रुपैयाँ नगदसहित नियन्त्रणमा लिएको प्रवक्ता मिश्रले जानकारी दिए।
पक्राउ पर्नेमा धनुषा जिल्लाको जनकपुरधाम उपमहानगरपालिका वडा नं. ४ का ४० वर्षीय गणेश साह, ३४ वर्षीय बेचन साह, वडा नं. १ का ३५ वर्षीय सञ्जिव ठाकुर, वडा नं. २ का ४६ वर्षीय विनय साह, वडा नं. ५ का ३७ वर्षीय कैलाश प्रसाद गुप्ता, ४३ वर्षीय दिलिप मण्डल (होटल सञ्चालक), ४५ वर्षीय बद्री साह र २४ वर्षीय शिवु मण्डल रहेको धनुषा प्रहरीले जनाएको छ।
