वीरगन्ज । देशभरमा आज २ हजार ९३३ जना कोरोना सङ्क्रमित थपिएका छन् भने ३ हजार १५० सङ्क्रमणमुक्त भएका छन् ।

आजसम्म एक लाख ३७ हजार ९९२ सङ्क्रमणमुक्त भएको स्वास्थ्य तथा जनसङ्ख्या मन्त्रालयले जनाएको छ । हाल देशधर सक्रिय सङ्क्रमितको सङ्ख्या ३७ हजार ५२४ पुगेको मन्त्रालयले जनाएको छ ।

देशभर हालसम्म सङ्क्रमितको सङ्ख्या एक लाख ७६ हजार ५०० पुगेको छ । पछिल्लो २४ घण्टामा देशभरका प्रयोगशालामा १३ हजार ४४६ नमूना परीक्षण भएको थियो । क्वारेन्टिनमा रहेकाको सङ्ख्या २ हजार ११९ छ ।