सिरहा । सिरहाको कर्जन्हामा छोराको कुटाईबाट आमाको मृत्यु भएको छ । कर्जन्हा नपा  ३ खैराटोलका ४७ वर्षीय रामअवतार साह सोनारले घरायसी विवादमा ८५ वर्षीया आमा सुदामा देवी साहलाई घाँटी थिचि हत्या गरेका हुन् ।

गत मंगलबार बेलुका घरायसी विवादका क्रममा घाँटी थिचेर घाईते बनाएकी सुदामाको जनकपुरस्थित रामजानकी मेडिकलमा उपचार गराइए पनि सुधार नभएपछि थप उपचारको लागि जिल्ला अस्पताल सिरहा ल्याईको जिल्ला प्रहरी कार्यालय सिरहाले जनाएको छ । उपचारकै क्रममा उनको शनिबार अपरान्ह मृत्यु भएको जिल्ला प्रहरी कार्यालय सिरहाका सूचना अधिकारी एवम् डीएसपी शालिग्राम शर्माले जानकारी दिए ।

सुदामाका छोरा रामअवतारलाई प्रहरीले आवश्यक कार्वाहीको लागि नियन्त्रणमा लिएको छ । घटनाबारे थप अनुन्धान भइरहेको प्रहरीले जनाएको छ । स्थानीयवासीले भने रामअवतारले आफ्नै आमालाई बोक्सीको आरोप लगाउँदै कुटपिट गरी मलमुत्र खुवाउने प्रयास गरेको समेत आरोप लगाएका छन् ।