वीरगंज | प्रदेश २ मा हालसम्म करिब १ लाख ३२ हजार जनाको मात्र कोरोना परीक्षण भएको छ। सुरुवातमा कोरोनाको हटस्पट बनेको यस प्रदेशमा मंगलबार सम्ममा १ लाख ३१ हजार ९ सय ७७ जनाको पीसीआर परीक्षण गरिएकोमा १५ हजार ४ सय १४ जनामा कोरोना संक्रमण देखिएको स्वास्थ्य निर्देशनालय प्रदेश २ का निमित्त प्रमुख विजय झाले जानकारी दिए।

कुल १ लाख ३२ हजार ६ सय ५ जनाको स्वाब संकलन गरिएकोमा ६ सय २८ जनाको रिपोर्ट आउन बाँकी रहेको निमित्त प्रमुख झाले बताए। प्रदेशका ८ जिल्लामा १ लाख १६ हजार ५ सय ६३ जनाको रिपोर्ट नेगेटिभ आएको छ। त्यस्तै कोरोना संक्रमणबाट १ सय ६६ जनाले आफ्नो ज्यान गुमाएका छन् भने १३ हजारभन्दा बढी संक्रमित निको भएर डिस्चार्ज भएका छन्।

कोरोना संक्रमित अत्याधिक रहेको यस प्रदेशमा पछिल्लो समय संक्रमित हुनेको संख्यामा कमी आएको छ भने निको हुनेको संख्या बढेको छ। हालसम्म यहाँ १३ हजार ५ सय १८ जना कोरोना संक्रमित निको भएर डिस्चार्ज भएका छन्।

आठ वटा प्रदेश रहेको यस प्रदेशमा सबैभन्दा बढी प्रभावित भएको पर्सामा २७ हजार ७ सय ५१ जनाको स्वाब संकलन गरिएकोमा २ हजार ८ सय ९२ जनाको रिपोर्ट पोजेटिभ, २४ हजार ४ सय ३४ जनाको नेगेटिभ र ४ सय २५ जनाको रिपोर्ट आउन बाँकी रहेको स्वास्थ्य निर्देशनालय प्रदेश २ ले जनाएको छ।

पर्सापछि धनुषामा १५ हजार ७ सय ९४ जनाको स्वाब संकलन गरिएकोमा २ हजार २ सय २१ जनामा कोरोना संक्रमण पुष्टि भएको छ भने १३ हजार ५ सय ३९ जनाको रिपोर्ट नेगेटिभ र ३४ जनाको रिपोर्ट आउन बाँकी रहेको छ।

रौतहटमा २३ हजार ६ सय ४५ जनाको स्वाब संकलन गरिएकोमा २ हजार ७४ को रिपोर्ट पोजेटिभ, २१ हजार ५ सय ५५ को नेगेटिभ र १५ जनाको रिपोर्ट आउन बाँकी रहेको छ। सर्लाहीमा १४ हजार ४ सय ४४ जनाको स्वाब संकलन गरिएकोमा १ हजार ९ सय ६९ जनाको रिपोर्ट पोजेटिभ, १२ जार ४ सय ७१ को नेगेटिभ र ४ जनाको रिपोर्ट आउन बाँकी रहेको छ।

त्यस्तै महोत्तरीमा ८ हजार १ सय १ जनाको स्वाब संकलन गरिएकोमा १ हजार ६ सय ५० जनाको रिपोर्ट पोजेटिभ, ६ हजार ३ सय ८१ को नेगेटिभ रहेको छ। सप्तरीमा १९ हजार ३ सय ३३ जनाको स्वाब संकलन गरिएकोमा १ हजार ५ सय ८३ जनाको रिपोर्ट पोजेटिभ, १७ हजार ७ सय ४९ को नेगेटिभ रहेको छ।

बारामा १२ हजार २ सय ७६ जनाको स्वाब संकलन गरिएकोमा १ हजार ५ सय १७ जनाको रिपोर्ट पोजेटिभ, १० हजार ६ सय ९५ को नेगेटिभ र ६४ जनाको रिपोर्ट आउन बाँकी रहेको स्वास्थ्य निर्देशनालय प्रदेश २ का निमित्त प्रमुख झाले बताए।

सिरहामा कुल ११ हजार १ सय ९० जनाको स्वाब संकलन गरिएकोमा १ हजार ४ सय ५३ जनाको रिपोर्ट पोजेटिभ, ९ हजार ७ सय २१ को नेगेटिभ र १६ जनाको रिपोर्ट आउन बाँकी रहेको छ।

कोरोनाबाट १ सय ६६ जनाको मृत्यु

कोरोना संक्रमणबाट प्रदेश २ मा १ सय ६६ जनाको मृत्यु भएको छ। ३० महिला र १ सय ३६ पुरुषको कोरोना संक्रमणबाट मृत्यु भएको स्वास्थ्य निर्देशनालय प्रदेश २ ले जनाएको छ। कोरोनाबाट सबैभन्दा बढी पर्सामा ४८, सप्तरीमा २५, धनुषामा १९, बारामा १८, महोत्तरीमा १७, सिरहामा १६, सर्लाहीमा १३, रौतहटमा ९ र १ भारतीय नागरिकको मृत्यु भएको छ।

साढे १३ हजारभन्दा बढी डिस्चार्ज

प्रदेश २ मा कोरोना संक्रमणबाट मृक्त हुनेको संख्या साढे १३ हजार नाघेको छ। कुल १५ हजार ४ सय १४ जना कोरोना संक्रमित रहेकोमा १३ हजार ५ सय १८ जना कोरोना संक्रमित निको भएर डिस्चार्ज भएको स्वास्थ्य निर्देशनालयका निमित्त प्रमुख झाले बताए।

पर्सामा २ हजार ६ सय ६८, धनुषामा २ हजार २६, रौतहटमा १ हजार ९ सय २९, सर्लाहीमा १ हजार ८ सय ७०, महोत्तरीमा १ हजार ४ सय ९८, सप्तरीमा १ हजार ३ सय ५६, बारामा १ हजार ३ सय १४ र सिरहामा ८ सय ५१ जना कोरोना संक्रमित निको भएर डिस्चार्ज भएका छन्।