वीरगंज संजालविरगंज । विरगंजको गणेश अपार्टमेन्टबाट साढे २२ किलो सुन बरामद भएको छ ।
पर्सा प्रहरीले विरगंजस्थित गणेश एपार्टमेन्टबाट करिब साढे २२ किलो सुन र ३ किलो चाँदी बरामद गरेको छ ।
यस्तै , २ के.जी.२६२ ग्राम चाँदीको गरगहाना तथा थाल लगायत भाडाकुंडा पनि बरामद भएको प्रहरी उपरीक्षक गंगा पन्तले जानकारी दिइन् ।
बरामद सो परिमाणको अवैध सुन र चाँदी जिल्ला प्रहरी कार्यालयमा ल्याई थप अनुसन्धान कार्य भइरहेको एसपी पन्तले बताइन् ।
प्रदेश नम्बर २ का प्रहरी प्रमुख डीआईजी धीरज प्रताप सिंहले विशेष सूचनामा आधारमा प्रहरीले अपार्टमेन्टमा छापा मारेको बताए । सो अपार्टमेन्टमा भारतीय नागरिक आशोक सिन्हा भाडामा बस्दै आएका थिए ।
प्रहरीका अनुसार पर्साका प्रमुख जिल्ला अधिकारी आस्मान तामाङसम्म अपार्टमेन्टमा अवैध सुन लुकाएर राखिएको सूचना पुगेको थियो । सो सूचनापछि प्रहरी अपार्टमेन्टमा छापा मार्न पुगेको थियो ।
