सर्लाहीको रामनगर गाउँपालिका वडा नं. ७ सिसौटका महेन्द्र रामको कुटपिटपछि मृत्यु भएको घटनामा प्रहरीले जाहेरी दर्तासमेत गर्न नचाहेको उनले बताए। नेपाली कांग्रेसले विरोध प्रदर्शनको कार्यक्रम राखेकोमा प्रहरीले सांसदहरुलाई समेत दुर्व्यवहार गरेको उनको आरोप छ।

उनले भने, ‘केपी ओलीको सरकारले प्रदेश २ मा चरम आतंक सिर्जना गर्न खोजेको छ।’ उनले रामको घटनामा छानविन समिति गठन गर्न माग समेत गरेका छन्।

गत असोज २१ गते दुई पक्षबीच झडप हुँदा ६५ वर्षीय महेन्द्र राम घाइते भएका थिए। पछि उपचारको क्रममा उनको वीरगन्जस्थित नेपाल इन्डो अस्पतालमा मृत्यु भएको थियो।

मृतक परिवारले रामलाई शहिद घोषणा, क्षतिपूर्ति तथा दोषीलाई कारबाहीको माग गर्दै आएको छ।सोही घटनामा बुधबार नेपाली कांग्रेसले विरोध प्रर्दशन गर्दै जिल्ला प्रहरी कार्यालय घेराउ गर्न पुग्दा प्रहरी र कांग्रेस कार्यकर्ताबीच झडप हुँदा डीएसपीसहित करिब दुई दर्जन प्रहरी घाइते भएका थिए भने कांग्रेसका नेता कार्यकर्तासमेत घाइते भएका थिए।