वीरगञ्ज । पर्सा र बारामा थप ३७ जनामा कोरोना संक्रमण पुष्टि भएको छ । वीरगञ्जस्थित नारायणी अस्पतालमा गएराति १९२ जनाको थ्रोट स्वाबको परिक्षणको नतिजा आउँदा पर्सामा २१ र बारामा १३ जना कोरोना संक्रमित थपिएका छन् । नारायणी अस्पतालका प्रवक्ता एवम् वरिष्ठ चर्म रोग विशेषज्ञ डाक्टर अतुलेश कुमार चौरसियाले दिएको जानकारी अनुसार पर्साका १५८ र बाराका ३४ जनाको परिक्षण गरिएको थियो ।

पर्सामा संक्रमण पुष्टि भएकामध्ये अधिकतम वीरगञ्ज महानगरपालिकाका बासिन्दा हुन् । वीरगञ्ज महानगरपालिका वडा नम्बर १३ मा चार, वडा नम्बर ४, १५ मा दुईरदुई जना, वडा नामबार ७, ११, १४, १८ र २२ नम्बर वडामा एकरएक जना र वडा खुल्न नसकेको ४ जनामा संक्रमण देखिएको डाक्टर चौरसियाले बताए । उनले वीरगञ्जमा थपिएका संक्रमित मध्ये ३ जना नेपाली सेनामा कार्यरत जवान रहेको जानकारी दिए ।

त्यस्तै पर्साको पोखरिया नगरपालिका वडा नम्बर २ मा तिन र वडा नम्बर ५ मा एक जना संक्रमित थपिएका छन् । चित्र गुप्ता सेवा समितिद्धारा आज एक कार्यक्रमको आयोजना गरि मन्दिर सरफाई गरिएको छ । दशै दिपावली तथा छठको मध्य नजर मन्दिर सरफाई गरिएको हो । चित्र गुप्ता सेवा समितिका अध्यक्ष महेश दासको अध्यक्षतामा भएको कार्यक्रमको भएको हो । सो सरसफाई कार्यक्रमलाई संबोधन गर्दै वहाले सरफाई निरन्तर जाने प्रक्रिया रहेको बताउनु भयो । गीता मन्दिर रोड मर्मतको माग गर्दै वीरगञ्जका युवाहरुद्वारा चक्का जाम वीरगञ्ज २८ असोज ।

वीरगञ्जको माईस्थानमा बुधबार युवाहरुले आधा घण्टा चक्का जाम गरेका छन् । माईस्थान क्षेत्रको विकासमा वीरगञ्ज महानगरपालिकाले चासो नदिएको भन्दै आक्रोशित भएका युवाहरुले चक्का जाम गरेका हुन् । माईस्थानका सचेत युवाहरु तथा वीरगञ्ज स्प्रिट क्लबका युवाहरुले गत असोज १९ गते माईस्थान क्षेत्रको विकासको सवालमा महानगरपालिकालाई गम्भीर हुनु पर्ने भन्दै मेयर विजयकुमार सरावगीलाई ज्ञापन पत्र बुझाएका थिए ।

ज्ञापन पत्रमा माईस्थान क्षेत्रको सडक मर्मतको काम ७ दिन भित्र शुरु गर्ने पर्ने अल्टिमेटम दिइएको थियो । तर, सात दिन बितीसक्दा समेत महानगरपालिकाले भत्केका सडकहरुको मर्मत सम्भारको काम अगाडी नबढाएपछि बाध्य भएर सडम जाम गर्नु परेको युवाहरुले बताए । वीरगञ्जको माईस्थान गहवा मन्दिर पश्चिम पट्टी रहेको सडक तथा गीता मन्दिर सम्मको सडक पूर्ण रुपमा भत्किसकेको तथा जिर्ण भइसकेको अवस्थामा समेत महानगरले निर्माण कार्यमा ध्यान नदिएको स्थानिय युवाहरुको आरोप छ ।

महानगरले सडक निर्माणको कार्यलाई यथाशिघ्र अगाडी नबढाए आन्दोलनलाई थप कडा पार्ने चेतावनी दिएका छन् । स्प्रिट क्लवका अध्यक्ष राजन गुप्ताको नेतृत्वमा नेविसंघका ठाराब एकाई अध्यक्ष मनोज साह, अमित चौरसिया, युवा व्यवसायी सन्तोष सर्राफ, अन्जन गुप्तालगायतका युवाहरुको समूहले चक्का जाम गर्दै बाटो समेत अवरुद्ध गरेका थिए । मेयर सरावगीलाई पटक(पटक समस्याको बारेमा जानकारी गराउँदा समेत कुनै सुनुवाई नभए पछि बाध्य भएर युवाहरु बिरोधमा उत्रिएको नेविसंघ एकाई अध्यक्ष मनोज साहले वताए ।

बैरियामा निशुल्क आँखा शिविर, १ सय ४१ जनाको परिक्षण गर्दा ५३ जनामा मोतियाबिन्दु । वीरगञ्ज २८ असोज । पर्साको पोखरिया नगरपालिका वडा न. ९ बैरिया टोलमा आज निशुल्क आँखा शिविर सम्पन्न भएको छ । जय मा सरस्वति बालक्लबको आयोजना र माट्रिका आइफाउण्डेशनको सहयोगमा निशुल्क आँखा शिविर सम्पन्न भएको हो । १ सय ४१ जनाको आँखा परिक्षण गर्दा ५३ जनामा मोतियाबिन्दु फेला परेको माट्रिका आइ फाउण्डेशनका नेत्र बिशेषज्ञ डा. महेशसिँह धामिले जानकारी दिनुभयो ।

शिविरको उद्घाटन जनता समाजवादी पार्टीका नेता निजामोदिन समानीले गर्नुभएको थियो । शिविरको उद्घाटन गर्दै नेता समानीले निशुल्क आँखा शिविरले गरीब तथा विपन्न जनताहरुको आँखा परिक्षण तथा उपचारमा सघाउ पुग्ने विश्वास व्यक्त गर्नुभयो । शिविरमा बालक्लबका पदाधिकारी, फाउण्डेशनका डाक्टरहरु, स्थानीय लगायतको उपस्थिती रहेको थियो ।