एजेन्सी । बलिउड अभिनेता अली फजल हलिउड चलचित्रको लिड रोलमा देखिने भएका छन् । कैयौं हलिउड र ब्रिटिस प्रोजेक्टसमा काम गरिसकेका अली हलिउडको वार ड्रामा चलचित्र ‘कोड नेम : जोनी वाल्कर’ को मुख्य भूमिकामा देखिँदै छन् ।

चलचित्र इराक युद्धमा आधारित भएर लेखिएको सोही नामको उपन्यासमा आधारित कथा हो । यो चलचित्र ओस्कार अवार्डका लागि मनोनयनमा परिसकेका लेखक ऐलन वेंकुसका साथै डेल्फिसले मिलेर लेखिरहेका छन् । यो चलचित्रमा सन् २०१५ देखि काम भइरहेको छ । कोरोना महामारीको अन्त्य भएसँगै अभिनेता फजल लस एन्जसका लागि उड्नेछन् ।

चलचित्रको कथा एक इराकी नागरिकको हुनेछ । जो अमेरिकी नेवी सिल कमान्‍डोसँग बस्छन् र दोभाषेको रुपमा उनीहरुलाई मद्दत गर्छन् ।यसअघि अभिनेताले ‘फास्ट एन्ड फ्युरियस ७’, ‘भिक्टोरिया एन्ड अब्दुल’ र डेथ अन द नाइल’ लगायतका चलचित्रमा काम गरिसकेका छन् । यी चलचित्रमध्ये ‘डेथ अन द नाइल’ को रिलिज कोरोना महामारीका कारण रोकिएको छ ।

यसका साथै अलीको चर्चित वेब सिरिज ‘मिर्जापुर’ को दोस्रो सिजन यही महिनाबाट प्रसारण हुँदै छ । -नवभारत टाइम्स